ప్రజావాణి కార్యక్రమానికి మండల స్థాయి అధికారులు హాజరు కావాలి హుస్నాబాద్ ఎంపీడీవో సురేష్ కుమార్

ప్రజావాణి కార్యక్రమానికి మండల స్థాయి అధికారులే హాజరు కావాలి

ప్రజావాణి గొప్ప కార్యక్రమం: ఎంపీడీవో సురేష్ కుమార్

హుస్నాబాద్

ప్రజల సమస్యలను నేరుగా తెలుసుకుని, వాటి పరిష్కారానికి వేదికగా నిలుస్తున్న ప్రజావాణి కార్యక్రమం ఎంతో గొప్పదని హుస్నాబాద్ ఎంపీడీవో సురేష్ కుమార్ అన్నారు. ప్రజలు తమ సమస్యలను అధికారుల దృష్టికి తీసుకువచ్చి పరిష్కారం పొందేందుకు ప్రజావాణి ఎంతగానో ఉపయోగపడుతుందని పేర్కొన్నారు.

ప్రజావాణి కార్యక్రమానికి మండల స్థాయి అధికారులు తప్పనిసరిగా హాజరుకావాలని ఆయన స్పష్టం చేశారు. తమ శాఖలకు సంబంధించిన సమస్యలపై ప్రజలకు సమాధానం చెప్పాల్సిన బాధ్యత సంబంధిత అధికారులపై ఉందన్నారు. మండల స్థాయి అధికారులు స్వయంగా హాజరుకాకుండా కింది స్థాయి సిబ్బందిని పంపిస్తే సహించేది లేదని హెచ్చరించారు.

ప్రజావాణి ప్రాధాన్యతను గుర్తించి ప్రతి శాఖ అధికారి బాధ్యతాయుతంగా వ్యవహరించాలని సూచించారు. ప్రజలు తమ సమస్యల పరిష్కారం కోసం కార్యాలయాల చుట్టూ తిరగకుండా, ప్రజావాణి ద్వారా అందించే ఫిర్యాదులపై అధికారులు తగిన చర్యలు తీసుకోవాలని తెలిపారు. నిబంధనలు ఉల్లంఘించి కింది స్థాయి అధికారులను పంపించే శాఖలపై శాఖాపరమైన చర్యలు తీసుకుంటామని ఎంపీడీవో సురేష్ కుమార్ స్పష్టం చేశారు.

నేటి సూర్య దినపత్రిక రిపోర్టర్ గుర్రపు శ్రీనివాస్  హుస్నాబాద్