andhrapradesh
స్వర హాస్పిటల్‌ ఆధ్వర్యంలో ఉచిత వైద్య శిబిరం
ఇంకొల్లు, మేజర్‌న్యూస్‌ :
విజయవాడకు చెందిన స్వర సూపర్‌ స్పెషాలిటీ హాస్పిటల్‌ ఆధ్వర్యంలో ఇంకొల్లు కవెనెంట్‌ చర్చి ఆవరణలో ఉచిత గుండె వైద్య శిబిరం జరిగింది. 60 మంది రోగులు శిబిరంలో గుండె సంబంధిత పరీక్షలు చేయించుకున్నారు. 15 మందికి గుండె సమస్య ఉన్నట్లు గుర్తించారు. సిఫార్సు చేసిన 10 మంది రోగులు సోమవారం హాస్పిటల్‌కు ఆరోగ్యశ్రీ, ఆధార్‌, మెడికల్‌ రిపోర్టులు తీసుకువస్తే అవసరమైన చికిత్సను ఉచితంగా చేసి పంపిస్తామని స్వర హాస్పటల్ పి.ఆర్‌.ఓ అనీల్‌ తెలిపారు. శిబిరాన్ని కవెనెంట్‌ చర్చి పాస్టర్‌ కె. మోషె ప్రారంభించారు. డాక్టర్‌ భవ్యశ్రీ గుండె పరీక్షలు చేసి సూచనలు, సలహాలు అందజేశారు. కార్యక్రమంలో ప్రిస్కిల్లా, జ్యోతి, దయ, అక్షయ్‌బాబు, రూపిత, ఆషీర్‌, అజీమ్‌ తదితరులు పాల్గొన్నారు.
సూర్య రిపోర్టర్‌ : షేక్ జానిబాష, ఇంకొల్లు.
