శివపూర్ గ్రామంలో ఘనంగా వడ్ల కొనుగోలు కేంద్రం ప్రారంభం - చైర్మన్ నాగం గంగారం

సూర్య ఎల్లారెడ్డి:  ఎల్లారెడ్డి మండలంలోని శివపూర్ గ్రామంలో రైతుల సౌకర్యార్థం ఏర్పాటు చేసిన వడ్ల కొనుగోలు కేంద్రాన్ని ఎల్లారెడ్డి మండల పిఎసిఎస్  చైర్మన్ నాగం గంగారాం  ప్రారంభించారు.ఈ కార్యక్రమంలో ఎల్లారెడ్డి మండల కాంగ్రెస్ పార్టీ అధ్యక్షుడు కురుమ సాయిబాబా పిఎసిఎస్  డైరెక్టర్లు, మాజీ పిఎసిఎస్ డైరెక్టర్ నాగం గోపికృష్ణ , ఎల్లారెడ్డి మండల పీఏసీఎస్ అధికారులు, వ్యవసాయ శాఖ అధికారులు, ఏవో శోభ. ఏఈఓ ముఖిత్, పాల్గొన్నారు.అలాగే సంబంధిత మూడు గ్రామాల సర్పంచులు,నాగరాజు, సాయిలు , గ్రామ కాంగ్రెస్ పార్టీ అధ్యక్షులు, నాయకులు, కార్యకర్తలు పాల్గొని కార్యక్రమాన్ని విజయవంతం చేశారు. ఎల్లారెడ్డి పట్టణ కాంగ్రెస్ పార్టీ అధ్యక్షుడు తలారి సతీష్  సైతం ఈ కార్యక్రమంలో పాల్గొన్నారు.ఈ సందర్భంగా సొసైటీ చైర్మన్ నాగం గగారం మాట్లాడారు రైతులు తమ ధాన్యాన్ని కొనుగోలు కేంద్రానికి తీసుకువచ్చి, ప్రభుత్వ కొనుగోలు సదుపాయాలను సద్వినియోగం చేసుకోవాలని సూచించారు. రైతులకు ఎలాంటి ఇబ్బందులు కలగకుండా కొనుగోలు ప్రక్రియ సజావుగా జరిగేలా సంబంధిత అధికారులు సహకరించాలని తెలిపారు.రైతుల సంక్షేమమే లక్ష్యంగా, రైతులకు అండగా కాంగ్రెస్ ప్రభుత్వం ముందుకు సాగుతోంది. అని అన్నారు కార్యక్రమంలో సొసైటీ సీఈవో విశ్వనాథం, సొసైటీ సిబ్బంది బంకంటి సత్యం ,ప్రభుదాస్, తోపాటు రైతులు పాల్గొన్నారు