స్మగ్లర్ల పై టాస్క్ ఫోర్స్ దాడి -61 ఎర్రచందనం దొంగలు పట్టివేత -8 మంది స్మగ్లర్లు తో పాటు ట్రాక్టర్ రెండు కార్లు సీజ్

ఎడ్యుకేషన్ స్టాఫ్ రిపోర్టర్ : నెల్లూరు జిల్లా గూడూరు అటవీ పరిధిలో ఎర్రచందనం స్మగ్లర్లపై రెడ్ శాండర్స్ యాంటీ స్మగ్లింగ్ టాస్క్ ఫోర్స్ పోలీసులు భారీ దాడి నిర్వహించారు. 61 ఎర్రచందనం దుంగలను స్వాధీనం చేసుకుని, 8 మంది స్మగ్లర్లను అరెస్ట్ చేశారు. టాస్క్ ఫోర్స్ హెడ్ ఎల్.సుబ్బారాయుడు కార్యాచరణ మేరకు, టాస్క్ ఫోర్స్ ఎస్పీ పి.శ్రీనివాస్ ఆధ్వర్యంలో, డీఎస్పీ ఎండీ షరీఫ్ మార్గనిర్దేశకత్వంలో ఆర్ఐ కృపానంద, ఎఫ్ఆర్వో సుభాష్ బృందం శుక్రవారం గూడూరు అటవీ ప్రాంతానికి చేరుకుంది. కొండగుంట-మేకనూరు మార్గంలో వెళుతుండగా అలికిడి వినిపించడంతో అటువైపు వెళ్లి చూడగా, ఎర్రచందనం దుంగలు కలిగిన ట్రాక్టర్ తో కొంతమంది కనిపించారు. సమీపంలో రెండు కార్లు ఉండటంతో టాస్క్ ఫోర్స్ పోలీసులు వారిని చుట్టుముట్టారు. ట్రాక్టర్ లో 24, కింద 22 దుంగలు కలిపి 46 దుంగలను మొదట స్వాధీనం చేసుకున్నారు. విచారణలో మరో ప్రాంతంలో దాచి ఉంచిన మరో 15 దుంగలను కూడా స్వాధీనం చేసుకున్నారు. మొత్తం 61 దుంగలు, రెండు కార్లు, ఒక ట్రాక్టర్ సీజ్ చేసి 8 మందిని అరెస్ట్ చేసి తిరుపతి టాస్క్ ఫోర్స్ పోలీస్ స్టేషన్ కు తరలించారు. పట్టుబడిన వారిని డీఎస్పీ వీ.శ్రీనివాసులు రెడ్డి విచారించారు. సీఐ ఖాదర్ భాష కేసు నమోదు చేసి దర్యాప్తు చేస్తున్నారు.

సీఎం గౌడ్ తిరుపతి స్టాఫ్ రిపోర్టర్