ఓటరు నిర్భయంగా ఓటేయండి - పోలీసులు మీ వెంటే ఉన్నారు
పలాస, సూర్య : జెడ్పీటీసీ / ఎంపీటీసీ ఎన్నికల నేపథ్యంలో కాశీబుగ్గ సబ్ డివిజన్ పరిధిలోని ఓటర్లకు కాశీబుగ్గ సబ్ డివిజన్ పోలీస్ అధికారి జివి రమణ పలు సూచనలు జారీ చేశారు.ప్రతి ఓటరు స్వేచ్ఛగా, నిర్భయంగా తమ ఓటు హక్కును వినియోగించుకోవడానికి పోలీస్ శాఖ కట్టుదిట్టమైన భద్రత ఏర్పాట్లు చేసిందని డీఎస్పీ తెలిపారు. ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడే వారిపై చట్టప్రకారం కఠిన చర్యలు తీసుకోబడతాయని హెచ్చరించారు.
పోలింగ్ బూత్ లోకి సెల్ ఫోన్ తీసుకురావద్దు :
ఓటు వేయడానికి వచ్చే వారు సెల్ ఫోన్ తో పోలింగ్ బూత్ లోకి ప్రవేశించరాదని డీఎస్పీ స్పష్టం చేశారు.ప్రజలందరూ పోలీస్ శాఖకు సహకరించి ఎన్నికలను ప్రశాంతంగా, పారదర్శకంగా మరియు ఎలాంటి అవాంఛనీయ సంఘటనలు జరగకుండా నిర్వహించేందుకు సహకరించాలని కాశీబుగ్గ సబ్ డివిజన్ పోలీస్ అధికారి జి.వి రమణ విజ్ఞప్తి చేశారు.
