ముంగండ - ఇసుకపూడి రహదారి పనులు వేగవంతం

పి. గన్నవరం: మేజర్ న్యూస్ :పి. గన్నవరం  ముంగండ నుండి ఇసుకపూడికి వెళ్లే రహదారి నిర్మాణ పనులు వేగవంతమయ్యాయి. దాదాపు ₹1.70 కోట్ల అంచనా వ్యయంతో చేపట్టనున్న ఈ బీటీ (BT) రోడ్డు నిర్మాణ పనులను స్థానిక ఎమ్మెల్యే గిడ్డి సత్యనారాయణ భూమిపూజ చేసి అధికారికంగా ప్రారంభించారు.
ఈ సందర్భంగా ఎమ్మెల్యే మాట్లాడుతూ.. వర్షాకాలంలో గుంతలమయమై తీవ్ర ఇబ్బందులు పడుతున్న ముంగండ, ఇసుకపూడి గ్రామాల ప్రజల ప్రయాణ కష్టాలను తీర్చడమే లక్ష్యంగా ప్రాధాన్యత క్రమంలో ఈ రహదారి పనులను చేపట్టినట్లు తెలిపారు. నాణ్యతా ప్రమాణాలు పాటిస్తూ, పనులను నిర్ణీత గడువులోగా పూర్తి చేసి ప్రజలకు అందుబాటులోకి తీసుకురావాలని కాంట్రాక్టర్లకు, సంబంధిత అధికారులకు సూచించారు.
రహదారి పనులు ప్రారంభం కావడంతో ముంగండ, ఇసుకపూడితో పాటు పరిసర గ్రామాల ప్రజలు సంతోషం వ్యక్తం చేస్తున్నారు.