కూటమి లో లొల్లి...
విజయనగరం, సూర్య : కూటమి లొల్లి తారాస్థాయికి చేరింది. నెల్లిమర్ల నియోజకవర్గంలో బీజేపీ, టీడీపి నాయకులు మధ్య పొత్తు కుదరక రోడ్డెక్కి కుమ్ములాడుకుంటున్నారు. పూసపాటి రేగ మండలం రెల్లివలసకు చెందిన బీజేపీ జిల్లా ప్రధాన కార్యదర్శి పతివాడ రాజేష్ సోమవారం నేరుగా జిల్లా కేంద్రంలో అశోక్ బంగ్లా ఎదుట ధర్నా చేయడం కూటమిలో సయోధ్య ఎలా ఉందో స్పష్టం అవుతుంది. పతి వాడ రాజేష్ ఎంపీ టీసీ గా పోటీ చేస్తుండగా బీజేపీ పార్టీ బి ఫారంకూడా ఇచ్చింది..అయితే ఇది సహించని టీడీపీ మండల అధ్యక్షులు, మాజీ జడ్పీటిసి, మాజీ ఎమ్మెల్యే కుమారుడు తనను విత్ డ్రా అయ్యిపోవాలని లేదంటే నీ అంతు చూస్తాం...ఊరిలో ఎలా తిరుగుతావో చూస్తామని బెదిరిస్తున్నారని దీనిపై ఇరు పార్టీ పెద్దలకు తెలియజేయడం జరిగినన్నారు. ఆదివారం టీడీపి జిల్లా అధ్యక్షులు, ఎంపీ వచ్చి మాట్లాడుతామని చెబితే సమావేశాన్ని ఏర్పాటు చేస్తే ఆఖరి నిమిషం లో టీడీపీ నాయకులు సూసైడ్ చేసుకుంటామని వారిని కూడా బెదిరించడంతో సమావేశాన్ని వాయిదా వేశారన్నారు. ఇక రెండు రోజుల్లో ఎన్నికలు ఉండడంతో ఇక చేసేది లేక ఇలా ధర్నా చేయడం జరిగిందన్నారు. ఇప్పటికైనా కూటమిలో రెబల్ గా ఉన్న వారిని టీడీపీ నుంచి సస్పెండ్ చేయాలి డిమాండ్ చేశారు. ఈ కార్యక్రమంలో పలువురు పాల్గొన్నారు.
