ఇళ్ల నిర్మాణాలు వెంటనే ప్రారంభించాలి

కురిచేడు మేజర్ న్యూస్ : ప్రధానమంత్రి ఆవాస్‌ యోజన అర్బన్‌ 2.0 పథకం కింద కురిచేడు గ్రామానికి మంజూరైన ఇళ్ల నిర్మాణాలను లబ్ధిదారులు త్వరితగతిన ప్రారంభించాలని దర్శి హౌసింగ్ సబ్‌డివిజన్‌ డిప్యూటీ ఎగ్జిక్యూటివ్‌ ఇంజినీర్‌ డి. నిరీక్షణ రావు సూచించారు. కురిచేడు మండల పరిషత్‌ సమావేశ మందిరంలో గృహ నిర్మాణాలు ప్రారంభించని లబ్ధిదారులతో అవగాహన సదస్సు శనివారం నిర్వహించారు.ఈ సందర్భంగా మాట్లాడుతూ ఒక్కో గృహానికి ప్రభుత్వం రూ.2.89 లక్షల యూనిట్‌ వ్యయం కేటాయించిందని తెలిపారు. ప్రభుత్వ నిబంధనల ప్రకారం నిర్ణయించిన కొలతలు, ప్రమాణాలతోనే ఇళ్లను నిర్మించుకోవాలని సూచించారు. ప్రభుత్వం అందిస్తున్న ఆర్థిక సహాయాన్ని సద్వినియోగం చేసుకుని గృహ నిర్మాణాలను ఆలస్యం చేయకుండా ప్రారంభించాలని కోరారు. కార్యక్రమంలో మండల ఇన్‌చార్జి MPDO సత్య ప్రసాద్, మండల గృహ నిర్మాణశాఖ ఇంచార్జి వెంకట కొండయ్య, వర్క్‌ ఇన్‌స్పెక్టర్‌ బి. మరియదాసు, సచివాలయ సిబ్బంది, PMAY కురిచేడులబ్ధిదారులు పాల్గొన్నారు.