హిరమండలంలో విజయానికి త్రివేణి విస్తృత పర్యటన

కొత్తూరు, సూర్య : పాతపట్నం నియోజకవర్గం హిరమండలం జడ్పిటిసి బీజేపిఅభ్యర్థిగా పోటీ చేస్తున్న భారతీయ జనతా పార్టీ జిల్లా అధ్యక్షులు సిరిపురం తేజేశ్వరరావు సతీమణి సిరిపురం త్రివేణి గెలుపునకు కూటమి పార్టీలు శక్తి వంచన లేకుండా పర్యటించి ఓటర్లను స్వయంగా కలుస్తున్నారు. జిల్లా పరిషత్ కు పంపించేందుకు జడ్పిటిసి గా గెలిపించాలని ఓటర్లను కలసి ఓటర్లను అభ్యర్థించారు. మండలం లో సమస్యలు గుర్తించి పరిష్కారానికి కృషి చేస్తానని తన ఎన్నికల ప్రచారంలో ఓటర్లని తెలియజేశారు.కూటమి నేతలతో కలసి ఇంటింట ప్రచారం చేస్తూ ఓటర్లను ఆకట్టుకోవడం విశేషం.హిరమండలం జడ్పిటిసి అభ్యర్థి త్రివేణి గెలుపు కోసం ఎమ్మెల్యే మామిడి గోవిందరావు విస్తృత ప్రచారం చేశారు. ఇదిలా ఉండగాఎన్నికల ప్రచారం చివరి రోజున కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు సోషల్ మీడియా ద్వారా వీడియో ప్రకటన విడుదల చేస్తూ హిరమండలం జడ్పిటిసి బీజేపి  అభ్యర్థిగా పోటీ చేస్తున్న సిరిపురం త్రివేణి గెలుపునకు కమలం గుర్తు పై ఓట్లు గెలిపించాలని విడుదల చేసిన ప్రకటన కూటమి పార్టీల్లో సంచలనం సృష్టించిందని పరిశీలకులు భావిస్తున్నారు. కేంద్రం లో ప్రధాని మోడీ ,రాష్ట్రంలో చంద్రబాబు ,పవన్ కళ్యాణ్ నేతృత్వం లో బలమైన అభివృద్ధి సంక్షేమం దిశగా అడుగులు వేస్తూ ముందుకు సాగుతున్నామని , అదేవిధంగా  ప్రధాని మంత్రి మోడీ స్పూర్తి తో జిల్లా బీజేపి అధ్యక్షులు సిరిపురం తేజేశ్వరరావు జిల్లా లో అభివృద్ధి కార్యక్రమాలు ముందుకు తీసుకొని వెళ్తున్నారని అన్నారు.ఈ అభివృద్ధి ఫలాలు గ్రామాలకు చేరాలంటే బలమైన స్థానిక సంస్థల వ్యవస్థ ఉండాలని,అందువల్ల కూటమి అభ్యర్థి సిరిపురం త్రివేణి గెలిపించుకోవాల్సిన అవసరం ఉందని కేంద్రమంత్రి కింజరాపు సోషల్ మీడియా లో విడుదల చేసిన ప్రకటనలో కూటమి నేతలకు పిలుపునిచ్చారు. ఈ వీడియో మండలంలో పెద్ద సంచలనం సృష్టిస్తోంది.ఈ వీడియో త్రివేణి విజయానికి దోహద పడుతోందని పరిశీలకులు భావిస్తున్నారు.