ఏడు కీలక సూచికల్లో బాడంగి ఐసీడీఎస్‌ ప్రాజెక్టు ముందంజ

బాడంగి, సూర్య : బాడంగి ఐసీడీఎస్‌ ప్రాజెక్టు కార్యాలయాన్ని శనివారం ప్రాజెక్టు డైరెక్టర్‌ కె.వి. బాలామణి, నోడల్‌ అధికారి బి. తవిటినాయుడు ఆకస్మికంగా తనిఖీ చేశారు. ఈ సందర్భంగా సీడీపీఓ ఎల్‌. సుజాత, సూపర్‌వైజర్లు ఎస్‌.కె. గౌరమ్మ, వై.వి. నాగమణి, ఎ. శ్రీదేవి, కార్యాలయ సిబ్బందితో సమావేశం నిర్వహించారు.అంగన్‌వాడీ కేంద్రాల ద్వారా చిన్నారులు, గర్భిణులు, బాలింతలకు పౌష్టికాహారం తప్పనిసరిగా అందించాలని, విధుల్లో సమయపాలన పాటిస్తూ బాధ్యతాయుతంగా పనిచేయాలని సూచించారు. ఏడు కీలక పనితీరు సూచికల్లో బాడంగి ప్రాజెక్టు ముందంజలో ఉండటంపై సంతృప్తి వ్యక్తం చేస్తూ, ఇదే స్ఫూర్తిని కొనసాగించాలని కోరారు. కార్యాలయ పనితీరును మరింత మెరుగుపరిచేందుకు పలు సూచనలు చేశారు.

రిపోర్టర్ : శ్రీనివాసరావు, బాడంగి, విజయనగరం జిల్లా.