అయోడిన్ పై విద్యార్థులకు అవగాహన

ఆత్మకూర్, మేజర్ న్యూస్ : అయోడిన్ పై ప్రతి ఒక్కరు ఆగాహన కలిగి ఉండి ప్రతిరోజు అయోడిన్ కలిగిన ఉప్పును తగిన మోతాదులో తీసుకోవాలని ఆర్ బిఎస్ కే నోడల్ అధికారి అనిల్ కుమార్ రెడ్డి, బైర్లుటి ప్రాథమిక ఆరోగ్య కేంద్రం వైద్యులు డాక్టర్ హర్ష లు అన్నారు. శనివారం బైర్లుట్టి ప్రాథమిక ఆరోగ్య కేంద్రం పరిధిలోని ప్రభుత్వ పాఠశాలలను డాక్టర్ హర్ష తో కలిసి అనిల్ కుమార్ రెడ్డి సందర్శించారు. ఈ సందర్భంగా వారు మాట్లాడుతూ అయోడిన్ లోపం వల్ల కలిగే ఆరోగ్య సమస్యలు, శరీర ఎదుగుదల లో అయోడిన్ ప్రాముఖ్యత, మెదడు అభివృద్ధి, మానసిక వికాసంలో అయోడిన్ ప్రాముఖ్యతపై విద్యార్థులతో పాటు ప్రజలకు వివరించడం జరిగిందన్నారు. ప్రతిరోజు క్రమం తప్పకుండా అయోడిన్ కలిగిన ఉప్పును తగిన మోతాదులో ఉపయోగించాలన్నారు. దీనివల్ల ఐడెం లోపం వల్ల కలిగే ఆరోగ్య సమస్యలను నివారించవచ్చని వివరించారు. అయోడిన్ లోపం వల్ల పిల్లలలో శారీరక, మానసిక ఎదుగుదలపై ప్రభావం చూపే అవకాశం ఉందన్నారు. తప్పనిసరిగా ఐడి తో కూడిన ఉప్పును వాడాలని సూచించారు. ఈ కార్యక్రమంలో సిహెచ్ఓ కుద్దూస్ భాష, పి హెచ్ ఎన్ భ్రమరాంబ, రవణమ్మ, ఎమ్మెల్ హెచ్ పి దీపిక, హెల్తి సోమేశ్వరి, రామ గుర్రప్ప తదితరులు పాల్గొన్నారు.