నీటిని వృధా చేయకండి భవిష్యత్తును కాపాడండి: నరేష్ యాదవ్

నీటిని వృధా చేయకండి....భవిష్యత్తును కాపాడండి, నరేష్ యాదవ్ పిలుపు      

                         ఎండాకాలం ఇంకా రాలేదు.... అప్పుడే జల్ పల్లి సర్కిల్లోని పలు ప్రాంతాల్లో నీటి కష్టాలు మొదలయ్యాయని జల్ పల్లి 65వ డివిజన్ బిజెపి నాయకులు పేరామోని నరేష్ యాదవ్ ఆరోపించారు. ఈ సందర్భంగా శనివారం ఆయన ఒ ప్రకటన ద్వారా మాట్లాడుతూ. జల్ పల్లి డివిజన్ పరిధిలో నీటి విలువలను గుర్తించి, ఇప్పటినుంచే పొదుపు చర్యలు చేపట్టాలని, రానున్న రోజుల్లో నీటి ఎద్దడి మరింత పెరిగే అవకాశం ఉందని, నీటిని జాగ్రత్తగా వినియోగించడం ప్రతి ఒక్కరి బాధ్యత అని గుర్తు చేశారు. నీరే జీవనాధారమని.... నీరే భవిష్యత్తుకు ఆధారమని.... మన వంతుగా కొన్ని చిన్న జాగ్రత్తలు తీసుకోవాలని ప్రజలకు సూచించారు. అవసరం లేనప్పుడు కుళాయిలను మూసివేసి, లీకేజీలను గుర్తించి వెంటనే మరమ్మత్తులు చేయాలన్నారు. అవసరమైనంత నీటిని వినియోగిస్తూ, నీరు వృధా కాకుండా అరికట్టాలన్నారు. రాబోయే రోజులలో వర్షపు నీటిని వడిసి పట్టి భూగర్భజలాలను పెంచుకుందామన్నారు. ప్రతి నీటి చుక్క విలువైనదిగా భావించి భవిష్యత్తు తరాలకు నీటి భద్రతను అందిద్దామని పిలుపునిచ్చారు. నీటి సమస్య మన ఒక్కరిది కాదని మన అందరి బాధ్యత అని, ప్రభుత్వ అధికారులు తగిన చర్యలు తీసుకోవడంతో పాటు ప్రజలకు నీటి సంరక్షణలో భాగస్వాములము అవ్వాలని కోరారు. మన ప్రాంతంలో నీటి ఎద్దడిని తగ్గించేందుకు కలిసికట్టుగా కృషి చేద్దామన్నారు.   

             అంకం జగన్ : మేజర్ న్యూస్, జల్ పల్లి.