మద్ది ఆలయానికి రూ.2.56 లక్షల ఆదాయం

జంగారెడ్డిగూడెం-మేజర్ న్యూస్ మండలంలోని గురవాయిగూడెంలోని శ్రీ మద్ది ఆంజనేయస్వామి దేవస్థానానికి శనివారం వివిధ సేవల రూపంలో రూ.2,56,653 ఆదాయం సమకూరినట్లు ఆలయ అసిస్టెంట్ కమిషనర్ ఆర్.వి.చందన తెలిపారు. తెల్ల మద్ది చెట్టు క్రింద స్వయంభువుగా వెలసిన స్వామివారిని దర్శించుకునేందుకు భక్తులు పెద్ద సంఖ్యలో తరలివచ్చారు.

ఈ సందర్భంగా ఉదయం ఆలయ ముఖ మండపంలో అర్చకులు, వేద పండితుల ఆధ్వర్యంలో స్వామివారికి పంచామృత అభిషేకం నిర్వహించారు. అనంతరం భక్తులు స్వామివారిని దర్శించుకుని ప్రత్యేక పూజలు చేశారు. శనివారం మధ్యాహ్నం 3 గంటల వరకు వివిధ సేవల ద్వారా ఆలయానికి రూ.2,56,653 ఆదాయం లభించినట్లు అధికారులు వెల్లడించారు.

అలాగే సాయంత్రం ఆలయానికి విచ్చేసిన సుమారు 3,253 మంది భక్తులకు నిత్యాన్నదాన సత్రంలో అన్నప్రసాదం అందించినట్లు ఆర్.వి.చందన వివరించారు.