telangana
గంజాయి స్వాధీనం.. వ్యక్తి అరెస్టు
సూర్య వాంకిడి: గంజాయిని అక్రమంగా తరలిస్తున్న వ్యక్తిని వాంకిడి పోలీసులు అరెస్టు చేశారు. అతడి వద్ద నుంచి 345 గ్రాముల ఎండు గంజాయిని స్వాధీనం చేసుకున్నారు. సవాతి రోడ్డులోని కుమురం భీమ్ విగ్రహం వద్ద శనివారం ఎస్‌ఐ డి. మహేందర్‌ పోలీసు సిబ్బందితో కలిసి తనిఖీలు చేపట్టారు. బండకాశ గ్రామానికి చెందిన తుంరం లింగు (42) అనుమానాస్పదంగా కనిపించడంతో అతడి వద్ద ఉన్న సంచిని తనిఖీ చేశారు. అందులో 345 గ్రాముల ఎండు గంజాయి లభించింది.
గంజాయిని స్వాధీనం చేసుకున్న పోలీసులు నిందితుడిపై కేసు నమోదు చేసి రిమాండ్‌కు తరలించారు. మాదకద్రవ్యాల అక్రమ రవాణా, విక్రయాలను అడ్డుకునేందుకు నిరంతరం తనిఖీలు నిర్వహిస్తున్నట్లు సీఐ ఎస్. వేణుగోపాల్ తెలిపారు. యువత మాదకద్రవ్యాలకు దూరంగా ఉండాలని సూచించారు. గంజాయి లేదా ఇతర మాదకద్రవ్యాల అక్రమ రవాణా, విక్రయాల సమాచారం తెలిస్తే పోలీసులకు తెలియజేయాలని ప్రజలను కోరారు. నిందితుడిని పట్టుకోవడంలో చురుకుగా వ్యవహరించిన సిబ్బందిని సీఐ అభినందించారు.
