హరీష్ రావును మర్యాదపూర్వకంగా కలిసిన బీఆర్ఎస్ నేతలు

అమీన్‌పూర్ ; విజయదశమి పర్వదినాన్ని పురస్కరించుకొని మాజీ మంత్రివర్యులు, సిద్దిపేట ఎమ్మెల్యే తన్నీరు హరీష్ రావును ఆయన నివాసంలో బీఆర్ఎస్ ముఖ్య నేతలు మర్యాదపూర్వకంగా కలిశారు. పండుగ అనంతరం ఈరోజు ఉదయం అమీన్‌పూర్ మున్సిపల్ మాజీ చైర్మన్ తుమ్మల పాండురంగారెడ్డి, బీఆర్ఎస్ సీనియర్ నాయకులు గూడెం మధుసూదన్ రెడ్డి ఆయనను కలిసి పుష్పగుచ్ఛం అందజేసి దసరా శుభాకాంక్షలు తెలియజేశారు.ఈ సందర్భంగా నియోజకవర్గ పరిధిలోని తాజా రాజకీయ పరిస్థితులు, స్థానిక అభివృద్ధి పనులు, ప్రజా సమస్యలపై కొద్దిసేపు చర్చించారు. నిరంతరం ప్రజల్లో ఉంటూ, పార్టీ శ్రేణులకు దిశానిర్దేశం చేసే హరీష్ రావు నాయకత్వం అందరికీ ఆదర్శప్రాయమని నేతలు పేర్కొన్నారు.ఈ భేటీ అనంతరం అమీన్‌పూర్ మున్సిపల్ మాజీ చైర్మన్ తుమ్మల పాండురంగారెడ్డి మాట్లాడుతూ.. తెలంగాణ అభివృద్ధిలో, ప్రజా సమస్యల పరిష్కారంలో హరీష్ రావు గారి పాత్ర ఎనలేనిదని, కార్యకర్తలకు నిరంతరం అండగా నిలిచే గొప్ప నాయకుడని కొనియాడారు. గూడెం మధుసూదన్ రెడ్డి మాట్లాడుతూ.. క్షేత్రస్థాయిలో పార్టీని మరింత బలోపేతం చేసి, ప్రజా సమస్యలపై పోరాడేందుకు హరీష్ రావు గారి సూచనలు, సలహాలు అమూల్యమైనవని తెలిపారు.

ఈ కార్యక్రమంలో కౌన్సిలర్ అంతిరెడ్డి, పలువురు బీఆర్ఎస్ ముఖ్య నాయకులు, కార్యకర్తలు పాల్గొన్నారు.