నీటిని పొదుపుగా వాడాలి : నీటి సంరక్షణకు ‘మేము సైతం’ అంటూ ప్రతిజ్ఞ.
అంబర్ పేట్, మేజర్ న్యూస్ : నీటి సంరక్షణ ఉద్యమంలో తాము సైతం భాగస్వాములమవుతామని కాంగ్రెస్ సీనియర్ నాయకుడు ఎస్. హరినాథ్ రెడ్డి అన్నారు . శనివారం బాగ్ అంబర్‌పేట డీడీ కాలనీలోని జలమండలి కార్యాలయంలో సికింద్రాబాద్ జోన్ చీఫ్ జనరల్ మేనేజర్ వినోద్ కుమార్‌తో కలిసి ‘ప్రామిస్ టు సేవ్ వాటర్’ కార్యక్రమంలో భాగంగా నీటిని పొదుపుగా వినియోగిస్తామని, వృథాను అరికట్టేందుకు కృషి చేస్తామని ప్రతిజ్ఞ చేశారు. హరినాథ్ రెడ్డి ఆధ్వర్యంలో నల్లకుంట డివిజన్‌లో చేపట్టిన సంతకాల సేకరణలో భాగంగా సేకరించిన పత్రాలను వినోద్ కుమార్‌కు అందజేశారు.
ఈ సందర్భంగా వినోద్ కుమార్ మాట్లాడుతూ.. భవిష్యత్తులో నీటి సమస్యలు తలెత్తకుండా ప్రతి ఒక్కరూ బాధ్యతగా నీటిని వినియోగించాలని సూచించారు. మాజీ కార్పొరేటర్ అమృత మాట్లాడుతూ.. నీటి సంరక్షణ ప్రతి ఒక్కరి బాధ్యతని పేర్కొన్నారు. కార్యక్రమంలో జలమండలి అంబర్‌పేట జనరల్ మేనేజర్ టి. శ్రీధర్, వాటర్ వర్క్స్ మేనేజర్ ఎస్. రామేశ్వరరావు, యూనియన్ నాయకుడు మహేందర్ రెడ్డి, కాంగ్రెస్ నాయకులు విజితా రెడ్డి, శరత్ కుమార్, కట్టెల సుభాష్, మురళి, సాగర్ రెడ్డి, విశ్వం, బొమ్మిడి శ్రవణ్ తదితరులు పాల్గొన్నారు.
