నెల్లూరుపాలెంలో కూటమి ఐక్యత సాధించిన బొమ్మిరెడ్డి తారక్ నాథ్ రెడ్డి

ఆత్మకూరు, మేజర్ న్యూస్, సోమా వెంకటసుబ్బయ్య : ఆత్మకూరు మున్సిపాలిటీ పరిధిలోని నెల్లూరు పాలెం 27వ వార్డులో కూటమి ఐక్యతను బలోపేతం చేసేందుకు బొమ్మిరెడ్డి తారకనాథ్ రెడ్డి ప్రయత్నం చేసి ఐక్యత సాధించారు. 27వ వార్డు తెలుగుదేశం పార్టీ అభ్యర్థి చెరుకూరు పద్మావతమ్మ, రెబల్ అభ్యర్థి చెరుకూరు స్రవంతి తిరుపతి నాయుడు మధ్య ఐక్యతను పెంపొందించే దిశగా తారక్ నాథ్ రెడ్డి శ్రీరామాలయం వద్ద అందరు నాయకులతో సమావేశమయ్యారు. ఈ సందర్భంగా నాయకులు చెరుకూరు శివప్రసాద్ నాయుడు, చెరుకూరు తిరుపతి నాయుడు సమక్షంలో బొమ్మిరెడ్డి తారకనాథ్ రెడ్డి ఇరువురూ కలిసి పనిచేసి కూటమి విజయానికి కృషి చేయాలని కోరారు.దీనిపై రెబల్ అభ్యర్థి చెరుకూరు స్రవంతి, తిరుపతి నాయుడు సానుకూలంగా స్పందిస్తూ, కూటమి ఐక్యతకు ప్రాధాన్యతనిస్తూ కలిసి పనిచేసి అభ్యర్థులను గెలిపిస్తామని తెలిపారు.
వ్యక్తిగత విభేదాలకు తావివ్వకుండా ఐక్యతతో ముందుకు సాగి కూటమి అభ్యర్థుల విజయానికి కృషి చేయాలనే లక్ష్యంతో జరిగిన తారక్ నాథ్ రెడ్డి ప్రయత్నం నెల్లూరు పాలెం 27వ వార్డులో రాజకీయంగా ప్రాధాన్యత సంతరించుకుంది. అనంతరం బొమ్మిరెడ్డి తారక్ నాథ్ రెడ్డి  చెరుకూరు పద్మావతమ్మ ఇంటికి వెళ్లి ఆమెతో చర్చించారు. తారక్ నాథ్ రెడ్డి చొరవ, ప్రయత్నంతో విభేదాలకు తెర పడి ఐక్యతారాగం ఆలపించి సమైక్యతకు మార్గం సుగమమైంది.