పోలీస్ అమరవీరుల సంస్మరణ దినోత్సవం సందర్భంగా రక్తదానం శిబిరం..

సుార్యా ఎల్లారెడ్డి  ఎల్లారెడ్డి మండలం వెల్లుట్లపేట గ్రామానికి చెందిన కొయ్యల శేఖర్ గౌడ్ రక్తదానం చేసి మానవతా దృక్పథాన్ని చాటుకున్నారు. పోలీస్ అమరవీరుల సంస్మరణ దినోత్సవం సందర్భంగా కామారెడ్డి పోలీస్ శాఖ, ఇండియన్ రెడ్ క్రాస్ సొసైటీ ఆధ్వర్యంలో నిర్వహించిన రక్తదాన కార్యక్రమంలో ఆయన స్వచ్ఛందంగా పాల్గొని రక్తదానం చేశారు.ఈ సందర్భంగా ఎల్లారెడ్డి సీఐ రాజిరెడ్డి చేతుల మీదుగా కొయ్యల శేఖర్ గౌడ్‌కు రక్తదాన ప్రశంసా పత్రాన్ని అందజేశారు. అనంతరం సర్కిల్ ఇన్స్పెక్టర్ రాజారెడ్డి మాట్లాడుతూరక్తదానం ఆపదలో ఉన్నవారికి ప్రాణదానం చేయడంతో సమానమని, ప్రతి ఒక్కరూ సామాజిక బాధ్యతగా స్వచ్ఛంద రక్తదానానికి ముందుకు రావాలని ఈ కార్యక్రమం ద్వారా సందేశం అందించారు. ఈ రక్తదాన శిబిరంలో స్వచ్ఛంద పాల్గొన్న వారికి ధన్యవాదాలు తెలియజేశారు