ఘనపూర్‌లో భూ భారతి భూ సర్వేపై అవగాహన సదస్సు

కుల్కచర్ల, మేజర్ న్యూస్:కుల్కచర్ల మండల పరిధిలోని ఘనపూర్ గ్రామంలో భూ భారతి భూ సర్వేపై అవగాహన సదస్సును నిర్వహించారు. ఈ సందర్భంగా భూ భారతి భూ సర్వేకు సంబంధించిన అంశాలు, భూముల వివరాలు, సర్వే ప్రాధాన్యతపై గ్రామ ప్రజలకు అవగాహన కల్పించారు. భూములకు సంబంధించిన సమస్యల పరిష్కారంలో సర్వే ప్రక్రియపై అవగాహన కలిగి ఉండటం ఎంతో ముఖ్యమని వివరించారు. ఈ కార్యక్రమంలో గ్రామ సర్పంచ్ రవీందర్ పవర్, మార్కెట్ కమిటీ చైర్మన్ ఆంజనేయులు, కాంగ్రెస్ పార్టీ మండల అధ్యక్షుడు గోపాల్ నాయక్, మండల సర్వేయర్ శ్రీహరి, రవీందర్ చారి, గిరిధర్, ప్రవీణ్, జీపీఓ నర్సింలు, జీపీఓ మౌనిక, పంచాయతీ కార్యదర్శి, గ్రామ పెద్దలు, గ్రామ ప్రజలు పాల్గొన్నారు.