సంక్షేమ పథకాల కన్వర్జెన్స్‌తో పేదలకు గరిష్ఠ ప్రయోజనం చేకూర్చాలి: సీఎం చంద్రబాబు ఆదేశం
సూర్య అమరావతి బ్యూరో: పేదరిక నిర్మూలన, ఆర్థిక అసమానతలను తగ్గించడమే లక్ష్యంగా రాష్ట్రంలో అమలవుతున్న వివిధ సంక్షేమ పథకాలను సమన్వయం (Convergence) చేసి లబ్ధిదారులకు గరిష్ఠ ప్రయోజనం చేకూర్చాలని ముఖ్యమంత్రి నారా చంద్రబాబు నాయుడు స్పష్టం చేశారు. అమరావతి సచివాలయం నుంచి మంత్రులు, ఎమ్మెల్యేలు, ప్రజాప్రతినిధులు, జిల్లా కలెక్టర్లతో నిర్వహించిన జూమ్ కాన్ఫరెన్స్‌లో ఆయన మాట్లాడారు.ప్రభుత్వం అమలు చేస్తున్న ప్రతి పథకం పేద కుటుంబాల జీవన ప్రమాణాలను గణనీయంగా పెంచేలా ఉండాలని సీఎం ఉద్ఘాటించారు:
పథకాల సమన్వయం & గరిష్ఠ లబ్ధిపై సీఎం కీలక ఆదేశాలు:బహుళ పథకాల సమగ్ర అనుసంధానం:పేద కుటుంబాలకు అందుతున్న స్త్రీశక్తి, తల్లికి వందనం, దీపం, పింఛన్లు వంటి వివిధ పథకాలను విడివిడిగా చూడకుండా.. ఒక కుటుంబానికి సమగ్రంగా ఎంత మేర ఆర్థిక ప్రయోజనం అందుతుందో మ్యాపింగ్ చేయాలని సూచించారు. వివిధ శాఖల కార్యక్రమాలు ఒకదానికొకటి తోడ్పడేలా కన్వర్జెన్స్ సాధించినప్పుడే పేదరికం నుంచి కుటుంబాలు వేగంగా బయటపడతాయని తెలిపారు.
ఆర్థిక అసమానతల తగ్గింపు:సంక్షేమ పథకాలతో పాటు ప్రభుత్వం ప్రతిష్టాత్మకంగా చేపట్టిన ‘పీ4’ మోడల్ ద్వారా నిరుపేద వర్గాలకు మార్గదర్శకత్వం, ఉపాధి అవకాశాలు కల్పించి సంపద సృష్టించే మార్గాలను చూపాలని ఆదేశించారు.
నియోజకవర్గాలే యూనిట్‌గా మార్పు:ప్రతి నియోజకవర్గంలోనూ పేదరికం, ఆర్థిక అసమానతలు లేని స్థితిని తీసుకురావడమే లక్ష్యంగా ప్రజాప్రతినిధులు, అధికారులు సమన్వయంతో క్షేత్రస్థాయిలో పనిచేయాలని పిలుపునిచ్చారు.
పారదర్శక పౌర సేవలు:పాలనలో అత్యాధునిక సాంకేతికతను జోడించి అర్హులైన ప్రతి పేదవాడికీ ఎలాంటి అవినీతి, జాప్యం లేకుండా సంక్షేమ ఫలాలు గడప వద్దకే చేరేలా పర్యవేక్షణ వ్యవస్థను మరింత పటిష్టం చేయాలని కలెక్టర్లకు ఆదేశాలు జారీ చేశారు.
