అట్లూరు మండల పరిషత్ లో ఉత్కంఠ.. రేపు వైస్ ఎంపీపీ ఎన్నిక
అట్లూరు, మేజర్ న్యూస్:కడప జిల్లా అట్లూరు మండల పరిషత్ నూతన అధ్యక్షురాలు ఎంపీపీ గా కుంభగిరి ఎంపీటీసీ సభ్యురాలు పాలకొండు లక్ష్మీదేవి ఎన్నికయ్యారు. గురువారం అట్లూరు మండల పరిషత్ కార్యాలయంలో ఎంపీపీ ఎన్నిక ప్రక్రియను అధికారులు నిర్వహించారు. ఈ ఎన్నికలో పాలకొండు లక్ష్మీదేవిని మండల పరిషత్ అధ్యక్షురాలిగా ఎంపీటీసీ సభ్యులు ఎన్నుకున్నారు. అనంతరం మండల పరిషత్ ఉపాధ్యక్ష వైస్ ఎంపీపీ ఎన్నిక నిర్వహించేందుకు అధికారులు చర్యలు చేపట్టారు. అయితే ఉపాధ్యక్ష పదవికి ఎవరూ నామినేషన్ ప్రతిపాదించకపోవడంతో ఎన్నికను వాయిదా వేస్తున్నట్లు అధికారులు ప్రకటించారు.
ఈ నేపథ్యంలో రేపు ఉదయం 11 గంటలకు అట్లూరు మండల పరిషత్ కార్యాలయంలో వైస్ ఎంపీపీ ఎన్నిక నిర్వహించనున్నట్లు అట్లూరు ఎంపీడీవో ఆర్. సాల్మన్ రాజు ఒక ప్రకటనలో తెలిపారు. మండల పరిధిలోని ఎంపీటీసీ సభ్యులందరూ నిర్ణీత సమయానికి మండల పరిషత్ కార్యాలయానికి తప్పనిసరిగా హాజరుకావాలని ఆయన కోరారు. దీంతో రేపు జరగనున్న వైస్ ఎంపీపీ ఎన్నికపై మండల రాజకీయ వర్గాల్లో ఆసక్తి నెలకొంది.
సూర్య రిపోర్టర్: ఎ.తిరుపాల్ అట్లూరు