*చిలుకూరు వేణుగోపాల స్వామి, మల్లేశ్వర స్వామి భూములు దేవాదాయ శాఖ పరిధిలోకి* మధిర, సూర్య మేజర్ న్యూస్ :
ఖమ్మం జిల్లా మధిర మండలం చిలుకూరు గ్రామపంచాయతీ పరిధిలోని శ్రీమల్లేశ్వర స్వామి మరియు వేణుగోపాల స్వామి దేవాలయాలకు చెందిన సర్వేనెంబర్-14/అ విస్తీర్ణం- 03-07 గుంటల భూమి బీసీ కార్పొరేషన్ పరిధిలో ఉండేది, కార్పొరేషన్ నుండి ఆయా దేవాలయాలకు ఎటువంటి నగదు చెల్లింపు జరగనందున సదరు భూములను కమీషనర్ దేవాదాయ శాఖ హైదరాబాద్ ఆదేశానుసారం సహాయ కమిషనర్ దేవదాయశాఖ ఖమ్మం వారి ఉత్తర్వులు ప్రకారంగా స్వాధీనం చేసుకోని గురువారం సదర సర్వే నెంబర్లు గల భూములలో దేవాదాయ శాఖ బోర్డులు ఏర్పాటు చేసి దేవదాయ శాఖ ఆధీనంలోకి తీసుకోవడం జరిగినది. త్వరలో అట్టి భూమికి హద్దులు ఏర్పాటు చేసి బహిరంగ వేలం ద్వారా ఆ భూములను కౌలుకి ఇచ్చి దేవాలయ పూజారి, సిబ్బంది జీతభత్యాలు ఇచ్చుటకు దేవదాయ శాఖ నిర్ణయించడమైనది ఈ కార్యక్రమంలో దేవాదాయ శాఖ ఎగ్జిక్యూటివ్ ఆఫీసర్ చుండూరు రామకోటేశ్వరరావు, జూనియర్ అసిస్టెంట్ నాగరాజు, గ్రామ సర్పంచ్ కుక్కమల్ల సునీల్ కుమార్ శివాలయం కమిటీ చైర్మన్ జడ రాంబాబు, రామాలయం కమిటీ చైర్మన్ మల్లా శ్రీను గ్రామ పెద్దలు మరియు భక్తులు పాల్గొన్నారు.