ఎంపీపీ జయచంద్ర నాయుడికి ఘన సన్మానం
చిత్తూరు అర్బన్ , మేజర్ న్యూస్:
చిత్తూరు రూరల్ మండల ప్రజా పరిషత్ అధ్యక్షుడిగా పదవి ప్రమాణ స్వీకారం చేసిన అనంతరం ఎంపీపీ కార్యాలయంలో జయచంద్ర నాయుడిని శాలువా, పూలమాలతో ఘనంగా సన్మానించారు. ఈ సన్మాన కార్యక్రమం తెలుగుదేశం పార్టీ కార్యాలయ కార్యదర్శి మోహన్ రాజ్ ఆధ్వర్యంలో జరిగింది.ఈ సందర్భంగా మోహన్ రాజ్ మాట్లాడుతూ పార్టీ కోసం నిరంతరం సేవ చేసిన వారిని గుర్తించి మంచి గుర్తింపు ఇవ్వాలని చెప్పారు. పేద, బడుగు, బలహీన వర్గాలను గుర్తించి మంచి పనులు చేయాలని సూచించారు. కాణిపాక వరసిద్ధి వినాయక స్వామి ఆశీస్సులు ఎల్లవేళలా ఉండాలని, మరెన్నో ఉన్నత పదవులు పొందాలని కోరుకున్నారు. చిత్తూరు రూరల్ మండల ప్రజల, గ్రామాల అభివృద్ధికి తోడ్పాటు అందించి మంచి పేరు పొందాలని ఆకాంక్షించారు.ఈ కార్యక్రమంలో జిల్లా తెలుగుదేశం పార్టీ కార్యాలయ కార్యదర్శి ఎన్. మోహన్ రాజ్, శ్రీకాంత్, గిరి నాయుడు, చిత్తూరు మండల ప్రధాన కార్యదర్శి శ్యామ్, జితేంద్ర, కందస్వామి, సురేష్, రాము చౌదరి, రెడ్డప్ప తదితరులు పాల్గొన్నారు
చిత్తూరు అర్బన్ రిపోర్టర్, లవకుమార్