అన్నవరప్పాడు వెంకన్న ఆలయ పునర్నిర్మాణానికి విరాళాలు

పెరవలి మేజర్ న్యూస్ :తూర్పుగోదావరి జిల్లా పెరవలి మండలం అన్నవరప్పాడు గ్రామంలో 16వ నంబరు జాతీయ రహదారి పక్కన పునర్నిర్మాణం జరుగుతున్న శ్రీ వెంకటేశ్వర స్వామి వారి ఆలయానికి భక్తులు పెద్దఎత్తున విరాళాలు అందిస్తున్నారు.ఈ క్రమంలో నవంబర్ 1వ తేదీ ఆదివారం ఏలూరు వాస్తవ్యులు ఆకుల సత్యనారాయణ, నాగమణి దంపతులు తమ కుటుంబ సభ్యులతో కలిసి ఆలయ అభివృద్ధి పనుల నిమిత్తం రూ.11,116 విరాళంగా సమర్పించారు.అదేవిధంగా విజయవాడ వాస్తవ్యులు పావురాల యజ్ఞ రామ జయకుమార్, నాగ వెంకట దుర్గా లక్ష్మీదేవి దంపతులు తమ కుటుంబ సభ్యులతో కలిసి రూ.5,116 విరాళంగా అందజేశారు.శ్రీ స్వామివారి ఆలయ పునర్నిర్మాణం, అభివృద్ధి కార్యక్రమాలకు భక్తులు స్వచ్ఛందంగా ముందుకు వచ్చి విరాళాలు అందించడం పట్ల ఆలయ నిర్వాహకులు హర్షం వ్యక్తం చేస్తున్నారు.ఈ విరాళాల వివరాలను ఆలయ కార్యనిర్వహణాధికారి మీసాల రాధాకృష్ణ తెలియజేశారు.