అధికారంలో ఉన్నాం..... అభివృద్ధి మాకే సాధ్యం

ముత్తుకూరు,  మేజర్ న్యూస్ :    అధికారంలో ఉన్నాం అభివృద్ధి మాకే సాధ్యమంటూ తెలుగుదేశం పార్టీ శ్రేణులు ఎంపీటీసీ ఎన్నికల ప్రచారాన్ని ఉదృతం చేస్తున్నారు. సోమవారం రాత్రి కృష్ణపట్నం గ్రామం ఎంపీటీసీ స్థానం బిట్-1 పరిధిలోని మూడవ వార్డు నుంచి 5వ వార్డు వరకు ఎన్నికల ప్రచారాన్ని మండల తెలుగు యువత అధ్యక్షుడు రాగాల శివకృష్ణ నిర్వహించారు. ఈ స్థానానికి పోటీ చేస్తున్న గూడలి రేవతిని గెలిపించాలని ఓటర్లను కోరారు. సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి సహకారంతో పోటీ చేస్తున్న ఆమెకు సైకిల్ గుర్తుపై ఓటు వేసి అఖండ మెజార్టీ చేకూర్చాలన్నారు. ఓటర్లు సానుకూలంగా స్పందించారు. ఈ కార్యక్రమంలో మాజీ ఎంపిటిసి సభ్యులు కారం చేటి శివరామ ప్రసాద్ శర్మ,  కార్యకర్తలు గ్రామస్తులు తదితరులు పాల్గొన్నారు