తుఫాను ప్రభావం పై అధికారులు అంతా అప్రమత్తంగా ఉండాలి తుఫాను ముందస్తు చర్యలపై సూచనలు
ఆత్రేయపురం మేజర్ న్యూస్ తుఫాను ప్రభావం పై ఎటువంటి సంఘటనలు జరగకుండా అధికారులంతా అప్రమత్తంగా ఉండాలని ఎంపీడీవో పివిఆర్ కే రాజు తాసిల్దార్ శ్రీ రామచంద్రమూర్తి అన్నారు సోమవారం మండల పరిషత్ కార్యాలయంలో అందరు మండల స్థాయి అధికారులతో, పంచాయితీ అభివృద్ధి అధికారులతో గ్రామ రెవెన్యూ అధికారులతో తుఫాను ప్రభావం, దాని వల్ల సంభవించే నష్టాలను నివారించేందుకు తీసుకోవలసిన ముందస్తు జాగ్రత్తలు మరియు చేపట్టవలసిన చర్యలపై సమావేశం నిర్వహించారు ఈ సమావేశంలో తుఫాను ప్రభావం వల్ల ప్రజలకు ఎటువంటి ఇబ్బందులు కలగకుండా ముందస్తు జాగ్రత్తలు తీసుకోవడం, ప్రజల ప్రాణ, ఆస్తి నష్టాలను నివారించడం, అత్యవసర పరిస్థితులను సమర్థవంతంగా ఎదుర్కోవడం, సంబంధిత శాఖల అధికారులు పరస్పర సమన్వయంతో పనిచేయడం వంటి అంశాలపై చర్చించారు.
అందరు పంచాయతీ కార్యదర్శులు తమ తమ గ్రామ పంచాయతీల పరిధిలో తుఫాను పరిస్థితులను నిరంతరం పర్యవేక్షించాలి. గ్రామాల్లోని లోతట్టు ప్రాంతాలు, ముంపునకు గురయ్యే ప్రాంతాలు, పాత భవనాలు, శిథిలావస్థలో ఉన్న ఇళ్లు, ప్రమాదకరమైన చెట్లు, విద్యుత్ స్తంభాలు మరియు ప్రజలకు ప్రమాదం కలిగించే ఇతర ప్రాంతాలను ముందుగానే గుర్తించి తగిన జాగ్రత్తలు తీసుకోవాలి. అలాగే గ్రామాల్లో పారిశుధ్య నిర్వహణ, మురుగునీటి కాలువల్లో అడ్డంకుల తొలగింపు, వర్షపు నీరు సజావుగా వెళ్లేలా చర్యలు తీసుకోవడం, రహదారులపై పడిపోయే చెట్లు లేదా ఇతర అడ్డంకులను తొలగించేందుకు అవసరమైన ఏర్పాట్లు చేసుకోవాలి. తుఫాను కారణంగా ఎటువంటి అత్యవసర పరిస్థితులు తలెత్తినా వెంటనే స్పందించేందుకు సంబంధిత సిబ్బందిని అప్రమత్తంగా ఉంచాలి.
గ్రామ రెవెన్యూ అధికారులు పంచాయతీ కార్యదర్శులు మరియు ఇతర సంబంధిత శాఖల సిబ్బంది సమన్వయంతో పనిచేస్తూ గ్రామాల్లో పరిస్థితులను ఎప్పటికప్పుడు అంచనా వేయాలి. తుఫాను ప్రభావానికి సంబంధించిన ముఖ్యమైన సమాచారాన్ని, నష్టం వివరాలను మరియు తీసుకున్న చర్యలను ఉన్నతాధికారులకు ఎప్పటికప్పుడు తెలియజేయాలి సూచించారు ఈ సమావేశములో మండల స్థాయి అధికారులు, అందరు పంచాయితీ కార్యదర్శులు, మరియు గ్రామ రెవెన్యూ అధికారులు ఉన్నారు.
