తుఫాన్‌ హెచ్చరికలతో అధికారుల అప్రమత్తం

కె గంగవరం మేజర్ న్యూస్ :రానున్న మూడు రోజుల్లో తుఫాన్‌ ముప్పు పొంచి ఉండటంతో కే.గంగవరం మండలంలో అధికార యంత్రాంగం అప్రమత్తమైంది. జిల్లా కలెక్టర్‌ ఆదేశాల మేరకు మండల పరిషత్‌ కార్యాలయంలో ఎండీవో ఎన్‌.శ్రీనివాస్‌, తహసీల్దార్‌ జగదీష్‌, ఎన్నికల అధికారి పి.శ్రీనివాస్‌ ఆధ్వర్యంలో గ్రామ ప్రత్యేక అధికారులు, కార్యదర్శులు, వీఆర్వోలతో అత్యవసర సమావేశం నిర్వహించారు.తుఫాన్‌ ప్రభావం నేపథ్యంలో ఎన్నికల నిర్వహణకు ఆటంకాలు కలగకుండా తీసుకోవాల్సిన చర్యలతోపాటు గోదావరి తీర ప్రాంత ప్రజల భద్రతపై చర్చించారు. వాతావరణ పరిస్థితులను నిరంతరం పర్యవేక్షిస్తూ అవసరమైన ముందస్తు జాగ్రత్తలు తీసుకోవాలని సమీక్షించారు.తుఫాన్‌ ప్రభావం తీవ్రంగా ఉంటే పాఠశాలలకు అత్యవసర సెలవులు మంజూరు చేసేలా చర్యలు తీసుకుంటామని మండల విద్యాశాఖ అధికారి ఎ.నాగరాజు తెలిపారు.