కూటమి మేయర్ అభ్యర్థి కటారి హేమలతను అత్యధిక మెజారిటీతో గెలిపించండి

చిత్తూరు ప్రతినిధి మేజర్ న్యూస్. చిత్తూరు నగర కార్పొరేషన్ ఎన్నికల్లో ప్రజల సంక్షేమం, నగర సమగ్రాభివృద్ధే ధ్యేయంగా కూటమి ప్రభుత్వం పనిచేస్తోందని చిత్తూరు పార్లమెంట్ సభ్యులు  దగ్గుమళ్ళ ప్రసాదరావు, చిత్తూరు ఎమ్మెల్యే గురజాల జగన్ మోహన్ పేర్కొన్నారు. సోమవారం చిత్తూరు నగరం లోని దుర్గా నగర్ కాలనీ, మిట్టూరు ప్రాంతాలలో కూటమి మేయర్ అభ్యర్థి కటారి హేమలత  తరపున నిర్వహించిన ఎన్నికల ప్రచార కార్యక్రమంలో  ఎంపి, ఎమ్మెల్యేలు.., మాజీ ఎమ్మెల్సీ దొరబాబు, మాజీ జిల్లా అధ్యక్షులు సి. ఆర్. రాజన్,పాల్గొని, ఇంటింటికి వెళ్లి  కరపత్రాలు పంచుతూ ప్రజలను ఓట్లు అభ్యర్థించారు.ఈ సందర్భంగా ఎంపీ దగ్గుమళ్ళ ప్రసాదరావు, ఎమ్మెల్యే గురుజాల జగన్మోహన్ మాట్లాడుతూ... చిత్తూరు నగర అభివృద్ధికి, కేంద్ర-రాష్ట్ర ప్రభుత్వాల నిధులను పూర్తిస్థాయిలో తీసుకొచ్చి నగర రూపురేఖలను మారుస్తామని తెలిపారు.ప్రజలకు మెరుగైన మౌలిక సదుపాయాలు, తాగునీరు, పారిశుద్ధ్యం మరియు సుపరిపాలన అందించాలంటే కూటమి అభ్యర్థి గెలుపు ఎంతో అవసరమన్నారు.చిత్తూరు నగర ప్రజలు, యువకులు, మహిళలు అందరూ కూటమి నాయకులతో కలిసి ఇంటింటికీ తిరిగి ప్రచారం చేస్తున్నారని, ప్రజల నుండి విశేష స్పందన లభిస్తోందని ఆయన అన్నారు. కూటమి బలపరిచిన మేయర్ అభ్యర్థి  కటారి హేమలతను భారీ మెజారిటీతో గెలిపించి, నగర అభివృద్ధికి బాటలు వేయాలని చిత్తూరు నగర ప్రజలకు ఎంపీ విజ్ఞప్తి చేశారు.ఈ కార్యక్రమంలో స్థానిక కూటమి ఎమ్మెల్యేలు, జనసేన, బీజేపీ, టీడీపీ నాయకులు, కార్పొరేటర్ అభ్యర్థులు  కార్యకర్తలు పెద్ద సంఖ్యలో పాల్గొన్నారు.