యాసంగిలో లాభాదాయకమైన ఆరుతడి పంటలను సాగు చేయాలి

 చిట్యాల, మేజర్ న్యూస్, యాసంగిలో వరి, మొక్కజొన్న బదులు లాభ దాయకమైన ఆరుతడి పంటలను సాగు చేయాలని తెలంగాణ రైతు విజ్ఞాన కేంద్రం శాస్త్రవేత్త డాక్టర్ మదన్ మోహన్ రెడ్డి అన్నారు. సోమవారం మండలంలోని జూకల్ రైతు వేదికలో వివిధ గ్రామానికి రైతులకు రికగ్నేషన్ ప్రీమియర్ లెర్నింగ్ పై శిక్షణ కార్యక్రమాన్ని నిర్వహించారు. ఈ సందర్భంగా వ్యవసాయ శాస్త్రవేత్త డాక్టర్ మదన్ మోహన్ రెడ్డి మాట్లాడుతూ యాసంగిలో వరి, మొక్కజొన్న బదులు ఆరుతడి పంటలను సాగు చేయాలన్నారు.  రసాయనాలు లేని ప్రకృతి సేద్యం సహజ సిద్ధమైన సాగు పద్ధతులను పాటించాలన్నారు. సకాలంలో చీడ పీడల వ్యాప్తిని గుర్తించి సస్యరక్షణ చర్యలు చేపట్టాలని కోరారు. సాంప్రదాయక పంటలను సాగు కంటే లాభదాయకమైన పంటలు సాగు చేయాలని సూచించారు. ఈ కార్యక్రమంలో మండల వ్యవసాయ అధికారి శ్రీనివాస్ రెడ్డి, ఏఈఓ లు చిర్ర సన్ని, రమణ కుమార్, దీపక్, సందీప్, మౌనిక వివిధ గ్రామాలకు చెందిన రైతులు పాల్గొన్నారు.

రిపోర్టర్: సదానందం, చిట్యాల, జయశంకర్ భూపాలపల్లి జిల్లా