టిడిపి అభ్యర్థి ఏడువాక శ్రీమహాలక్ష్మి విజయం ఖాయం

- హోరెత్తిస్తున్న ఏడువాక  ప్రచారాలు

ఆరిలోవ, మేజర్ న్యూస్ : జీవీఎంసీ,16వ వార్డు కూటమి కార్పొరేటర్ అభ్యర్థి ఏడువాక శ్రీమహాలక్ష్మి సన్యాసిరావు సోమవారం ఎన్నికల ప్రచారం నిర్వహించారు. శివాజీ నగర్–2 పరిధిలో ముత్యమాంబ యూత్ ఆధ్వర్యంలో ఏర్పాటు చేసిన సమావేశంలో పాల్గొన్న అనంతరం, 40 గజాల ఏరియా, జేఎన్ఎన్‌యూఆర్‌ఎం బ్లాకుల్లో ఇంటింటికీ వెళ్లి ప్రజలను కలుసుకుంటూ ప్రచారం కొనసాగించారు.ఈ సందర్భంగా వార్డులో మౌలిక వసతుల కల్పనకు ప్రాధాన్యతనిస్తూ, ప్రజలు ఎదుర్కొంటున్న సమస్యల పరిష్కారానికి కృషి చేస్తామని అభ్యర్థిని తెలిపారు. ప్రచారంలో భాగంగా జీవీఎంసీ మేయర్ అభ్యర్థిని కుమారి ముక్క శ్రావణి, 16వ వార్డు కార్పొరేటర్ అభ్యర్థిని ఏడువాక శ్రీమహాలక్ష్మి సన్యాసిరావు ఇద్దరికీ సైకిల్ గుర్తుపై తమ అమూల్యమైన ఓటు వేసి అత్యధిక మెజారిటీతో గెలిపించాలని ప్రజలను అభ్యర్థించారు.
ప్రచారానికి ప్రజల నుంచి ఆత్మీయ స్వాగతం
ప్రచార సమయంలో పలుచోట్ల స్థానిక మహిళలు మంగళహారతులతో స్వాగతం పలుకుతూ, పూలవర్షం కురిపించారు. స్థానికులు స్వచ్ఛందంగా ముందుకు వచ్చి తమ మద్దతును తెలియజేయడంతో ప్రచార ప్రాంతాల్లో సందడి నెలకొంది. ప్రచారంలో టిడిపి సీనియర్ నాయకుడు తురకపూడి బాలస్వామి, నాయకులు కార్యకర్తలు పెద్ద సంఖ్యలో పాల్గొన్నారు.