telangana
గ్రామీణ సమస్యలపై విద్యార్థుల అధ్యయనం:ఎదులాబాద్‌లో అనురాగ్‌ వర్సిటీ విద్యార్థుల పీఆర్ఏ
ఘట్‌కేసర్, మేజర్ న్యూస్:గ్రామీణ సమస్యలు, వ్యవసాయ వనరులపై అవగాహన పెంపొందించుకునేందుకు అనురాగ్‌ యూనివర్సిటీ విద్యార్థులు ఎదులాబాద్‌లో పీఆర్ఏ కార్యక్రమం నిర్వహించారు. గ్రామీణ వ్యవసాయ అనుభవ కార్యక్రమంలో భాగంగా రైతులు, మహిళలతో మాట్లాడి స్థానిక సమస్యలు, అభివృద్ధి అవసరాలను తెలుసుకున్నారు.
గ్రామ పటం, వనరుల పటం, పై చార్ట్‌, సమస్యల వృక్షం వంటి పద్ధతులతో గ్రామంలోని మౌలిక సదుపాయాలు, వ్యవసాయ వనరులు, ప్రజలు ఎదుర్కొంటున్న సమస్యలను గుర్తించారు. ఈ కార్యక్రమం ద్వారా విద్యార్థులకు క్షేత్రస్థాయి అవగాహనతో పాటు గ్రామీణాభివృద్ధిలో ప్రజల భాగస్వామ్యంపై స్పష్టత కలిగింది. కార్యక్రమంలో సానియా, సమీరా, స్నేహ, శ్వేత, ఉజ్వల్‌, నవీన్‌ తదితరులు పాల్గొన్నారు.
