అభివృద్ధిని చూడండి శ్రీనివాసవర్మను గెలిపించండి

టిడిపినేతలు:సిఎస్ పురం,మేజర్ న్యూస్: రాష్ట్రంలో కూటమి ప్రభుత్వం అమలుచేస్తున్న సంక్షేమ పథకాలు సుపరిపాలన అభివృద్ధిని చూసి మండల జడ్పిటిసి టిడిపి అభ్యర్థిగా పోటీచేయుచున్న గుంటిమడుగు శ్రీనివాసవర్మ ను ప్రజలు ఆశీర్వదించి భారీమెజారిటీతో గెలిపించడానికి టిడిపి జనసేన బిజెపి నాయకులు ప్రతిఒక్కరు సమన్వయంగా సమిష్టిగా కృషిచేయాలని టిడిపి నాయకులు అన్నారు.శనివారం ఎన్నికల ప్రచారంలో భాగంగా మండలంలోని పలుగ్రామాలలో మండల నాయకులు స్థానిక నాయకులతో కలిసి విస్తృతంగా ప్రచారం నిర్వహించారు.ఈసందర్భంగా మండలంలోని పలుగ్రామాల్లో ఇంటింటికి తిరిగి  రాష్ట్రంలో అభివృద్ధి సంక్షేమం అదేవిధంగా ఎమ్మెల్యే ఉగ్రనరసింహారెడ్డి నియోజకవర్గ అభివృద్ధికి చేస్తున్న కృషిని  వివరించి యువకుడు, మంచిమనిషి, సమాజసేవకులు అయిన తెలుగుదేశం జడ్పిటిసి అభ్యర్థి శ్రీనివాసవర్మను గెలిపించడానికి ప్రతిఒక్కరు కృషిచేయాలని అభ్యర్థి శ్రీనివాసవర్మకు భారీమెజార్టీ సాధించి జిల్లాస్థాయిలో మండలానికి ప్రత్యేక గుర్తింపు వచ్చేలా చూడాలని టిడిపి కూటమి శ్రేణులు బాధ్యతగా పనిచేసి జడ్పిటిసి అభ్యర్థి శ్రీనివాసవర్మను గెలిపించాలని అన్నారు.ఈకార్యక్రమంలో  మండల టిడిపి అధ్యక్షుడు బొబ్బూరిరమేష్,ఎంపిపి అభ్యర్థి డాక్టర్ బొమ్మనబోయిన వెంగయ్య, జడ్పిటిసి అభ్యర్థి గుంటిమడుగు శ్రీనివాసవర్మ,యన్.సి.మాలకొండయ్య, మన్నేపల్లి శ్రీనివాసులు,సొసైటీ చైర్మన్ చెరుకుపల్లె వెంకటరెడ్డి,కె.వెంకటకొండయ్య,ఆయా గ్రామాల ఎంపిటిసిలు,నాయకులు అభిమానులు ప్రజలు పాల్గొన్నారు.