ఇందిరమ్మ స్ఫూర్తితో తెలంగాణలో కాంగ్రెస్ పాలన ఇందిరాగాంధీ వర్ధంతి సందర్భంగా నీలం మధు ఘన నివాళులు

పటాన్‌చెరు;తన పరిపాలనా దక్షతతో భారతదేశ ఉక్కు మహిళగా పేరుగాంచిన మాజీ ప్రధాని, భారతరత్న ఇందిరాగాంధీ దేశ ప్రజల గుండెల్లో చిరస్థాయిగా నిలిచిపోయారని మెదక్ పార్లమెంట్ కాంగ్రెస్ పార్టీ ఇన్‌చార్జి నీలం మధు ముదిరాజ్ అన్నారు. శనివారం ఇందిరాగాంధీ వర్ధంతిని పురస్కరించుకొని చిట్కూల్‌లోని తన నివాసంలో ఆమె చిత్రపటానికి పూలమాల వేసి ఘనంగా నివాళులర్పించారు.ఈ సందర్భంగా నీలం మధు మాట్లాడుతూ పేదలకు సంక్షేమ ఫలాలను చేరువ చేయడంతో పాటు దేశ అభివృద్ధికి ఇందిరాగాంధీ విశేష కృషి చేశారని కొనియాడారు. ఆమె ముందుచూపుతో చేపట్టిన పలు కార్యక్రమాలు దేశ అభివృద్ధిలో కీలక పాత్ర పోషించాయని పేర్కొన్నారు.ఇందిరమ్మ పాలన స్ఫూర్తితో తెలంగాణలో ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రజా ప్రభుత్వం అన్ని వర్గాల సంక్షేమం, రాష్ట్ర అభివృద్ధికి ప్రాధాన్యతనిస్తూ పాలన కొనసాగిస్తోందని నీలం మధు ముదిరాజ్ వివరించారు.