telangana
నేడు ఏఐపీఎస్‌ఓ రంగారెడ్డి జిల్లా 4వ మహాసభ ఎన్టీఆర్ నగర్‌లోని టీఎన్‌జీఓఎస్ ఉద్యోగుల ఫోరం భవనంలో నిర్వహణ
ఎల్బీనగర్, మేజర్ న్యూస్ ప్రతినిధి : అఖిల భారత శాంతి సంఘీభావ సంఘం (ఏఐపీఎస్‌ఓ) రంగారెడ్డి జిల్లా 4వ మహాసభ ఆదివారం ఉదయం 10 గంటలకు ఎన్టీఆర్ నగర్ వ్యవసాయ మార్కెట్‌లోని టీఎన్‌జీఓఎస్ ఉద్యోగుల ఫోరం భవనంలో నిర్వహించనున్నట్లు జిల్లా అధ్యక్షుడు తిప్పర్తి మహేష్ తెలిపారు. శనివారం ఆయన ఈ మేరకు ప్రకటన విడుదల చేశారు.
ప్రపంచ శాంతి లక్ష్యంగా ఏఐపీఎస్‌ఓ నిరంతరం కృషి చేస్తోందని పేర్కొన్నారు. ఈ మహాసభకు సంఘం రాష్ట్ర సమన్వయ ప్రధాన కార్యదర్శి కేవీఎల్, రాష్ట్ర నాయకులు డాక్టర్ తిప్పర్తి యాదయ్య, జిల్లా ఆహ్వాన సంఘం అధ్యక్షుడు పల్లె వినయ్‌కుమార్‌తో పాటు పలువురు ప్రముఖులు హాజరవుతారని తెలిపారు.
జిల్లాలోని శాంతి సంఘం నాయకులు, కార్యకర్తలు పెద్ద సంఖ్యలో పాల్గొని మహాసభను విజయవంతం చేయాలని తిప్పర్తి మహేష్ పిలుపునిచ్చారు.
