telangana
రైన్ వాటర్ మ్యాన్ హోల్లలో పూడికతీత
హిమాయత్ నగర్, మేజర్ న్యూస్ : వ్యర్ధాలతో నిండిపోయిన రైన్ వాటర్ మ్యాన్ హోల్స్ ని స్థానిక మాజీ కార్పొరేటర్ గడ్డం మహాలక్ష్మి రామన్ గౌడ్ జిహెచ్ఎంసి కార్మికులతో శనివారం శుభ్రం చేయించారు. శుక్రవారం రాత్రి కురిసిన వాహనాలకు రెయిన్ వాటర్ మ్యాన్ హోల్స్ నిండి పొంగి పొర్లాయి. దీంతో హిమాయత్ నగర్ డివిజన్ పరిధిలోని ప్రజలు ఇబ్బందులను ఎదుర్కొన్నారు. ఈ విషయాన్ని గుర్తించిన స్థానిక మాజీ కార్పొరేటర్ వెంటనే అధికారులతో మాట్లాడి పూడిక తీత పనులను చేపట్టారు. ఈ పనులను కాంగ్రెస్ సీనియర్ నాయకుడు రామన్ గౌడ్ జిహెచ్ఎంస సిబ్బంది వెంట ఉంటూ పర్యవేక్షించారు. డివిజన్లోని హైదర్గూడా పెట్రోల్ పంప్ , స్ట్రీట్ నెంబర్ 6 మొదలైన ప్రాంతాలలో ఈ కార్యక్రమాన్ని చేపట్టారు. ఈ కార్యక్రమంలో కాంగ్రెస్ నాయకులు అభిషేక రెడ్డి, రాజు గౌడ్ తదితరులు పాల్గొన్నారు.
