సమ్మర్ హాలిడేస్ సినిమా చూస్తూ మీ బాల్యాన్ని గుర్తు తెచ్చుకుంటారు: నిర్మాత ధీరజ్ మొగిలినేని

సూర్య ఎంటర్‌టైన్‌మెంట్ డెస్క్: మన చిన్ననాటి జ్ఞాపకాలను, మధురమైన బాల్యపు రోజులను కళ్లకు కట్టేలా సున్నితమైన భావోద్వేగాలతో తెరకెక్కిన చిత్రం సమ్మర్ హాలిడేస్ అని, ఈ సినిమా చూస్తున్నప్పుడు ప్రతి ఒక్కరూ తమ బాల్యాన్ని గుర్తు తెచ్చుకుంటూ ప్రతీ పాత్రకు ఎమోషనలంగా కనెక్ట్ అవుతారని ప్రముఖ నిర్మాత ధీరజ్ మొగిలినేని తెలిపారు. ధీరజ్ మొగిలినేని ఎంటర్‌టైన్‌మెంట్స్ బ్యానర్‌పై దర్శకుడు శ్రీకర్ తెరకెక్కిస్తున్న ఈ చిల్డ్రన్ మూవీ నవంబర్ 6న గ్రాండ్ థియేట్రికల్ రిలీజ్‌కు సిద్ధమవుతున్న తరుణంలో ఆయన మీడియా సమావేశంలో సినిమా విశేషాలను పంచుకున్నారు.

ఈ కథ విన్నప్పుడు తన రియల్ లైఫ్ మరియు చైల్డ్ హుడ్ మెమొరీస్ గుర్తుకువచ్చాయని, సినిమాలో అమ్మమ్మ పాత్రలో జయసుధ చెప్పే డైలాగ్స్ తన అమ్మమ్మ చెప్పినట్లుగానే అనిపించాయని ధీరజ్ పేర్కొన్నారు. చిన్నపిల్లల అమాయకత్వం, స్నేహితుల మధ్య ఉండే బాండింగ్ మరియు తండ్రి కొడుకుల మధ్య వచ్చే హార్ట్ టచింగ్ ఎమోషన్స్ ఈ చిత్రానికి ప్రధాన బలంగా నిలుస్తాయని ఆయన స్పష్టం చేశారు. కమర్షియల్ హంగుల కోసం కథను మార్చకుండా, పాత్రల్లోని ఇన్నోసెన్స్‌ను అలాగే ఉంచుతూ ఈ సినిమాను అత్యంత సహజంగా తెరకెక్కించినట్లు ఆయన వెల్లడించారు.

మొత్తంగా ఈ సినిమాకు సోలో రిలీజ్ దొరుకుతుందనే ఆశాభావం వ్యక్తం చేసిన ధీరజ్ మొగిలినేని, ప్రేక్షకులు థియేటర్లకు వచ్చి ఈ ప్రత్యేకమైన ప్రయత్నాన్ని ఆదరించి విజయవంతం చేయాలని కోరారు. ఈ తరహా చిన్న సినిమాలు మరియు సపరేట్ జానర్ చిత్రాలకు ఇండస్ట్రీలో మద్దతు లభిస్తే మరిన్ని మంచి ప్రయోగాలు వచ్చే అవకాశం ఉంటుందని, తన కెరీర్‌లో ఇదొక ప్రత్యేకమైన చిత్రంగా నిలిచిపోతుందని ఆయన ధీమా వ్యక్తం చేశారు.

Also Read: ముమ్మరంగా కూటమి జెడ్పిటిసి అభ్యర్థి ముంగర మాధవి ఎన్నికల ప్రచారం