బడుగు, బలహీన వర్గాల అభివృద్ధే ఎన్ఎంఆర్ డివిజన్ ఇన్‌చార్జి రవి ముదిరాజ్ లక్ష్యం!
జహీరాబాద;బడుగు, బలహీన వర్గాల అభివృద్ధే లక్ష్యంగా ప్రజలకు సేవా కార్యక్రమాలు నిర్వహిస్తూ, పేదల సంక్షేమానికి ఎన్ఎంఆర్ సంస్థ కృషి చేస్తోందని ఎన్ఎంఆర్ జహీరాబాద్ డివిజన్ ఇన్‌చార్జి రవి ముదిరాజ్ తెలిపారు.తెలంగాణ రాష్ట్రంలో బడుగు, బలహీన వర్గాల అభివృద్ధి లక్ష్యంగా మెదక్ పార్లమెంట్ నియోజకవర్గ కాంగ్రెస్ పార్టీ ఇన్‌చార్జి నీలం మధు ఆధ్వర్యంలో ఎన్ఎంఆర్ సంస్థ పలు సామాజిక సేవా కార్యక్రమాలు చేపడుతోందని పేర్కొన్నారు. ప్రజలకు అన్నదానం, పేదలకు నిత్యావసర సరుకుల పంపిణీ, 200 యూనిట్ల ఉచిత విద్యుత్, మహిళలకు ఉచిత బస్సు ప్రయాణం, వ్యవసాయానికి సబ్సిడీ డ్రిప్, ఇందిరమ్మ ఇండ్ల పథకం వంటి సంక్షేమ కార్యక్రమాలు ప్రజలకు ఎంతో ఉపయోగపడుతున్నాయని వివరించారు.ప్రభుత్వ సంక్షేమ పథకాలను ప్రజల్లోకి తీసుకెళ్లడంతో పాటు అర్హులైన పేదలకు వాటి ప్రయోజనాలు అందేలా కృషి చేస్తున్నామని రవి ముదిరాజ్ తెలిపారు. భవిష్యత్తులోనూ ప్రజాసేవే ధ్యేయంగా కాంగ్రెస్ పార్టీ బలోపేతానికి, పేదల సంక్షేమానికి నిరంతరం కృషి చేస్తామని ఆయన పేర్కొన్నారు.
