గేటెడ్ కమ్యూనిటీల్లో పట్టభద్రుల ఓటరు నమోదు వేగవంతం చేయాలి: శంభీపూర్ కృష్ణవేణి

                                   మల్లంపేట్ ప్రణీత్ ప్రణవ్ లీఫ్ కాలనీలో ఓటరు నమోదు అవగాహన కార్యక్రమం

దుండిగల్ మేజర్ న్యూస్ :పట్టభద్రుల ఎమ్మెల్సీ ఎన్నికల నేపథ్యంలో నియోజకవర్గ పరిధిలోని ప్రతి గేటెడ్ కమ్యూనిటీలో ఓటరు నమోదు ప్రక్రియను వేగవంతం చేయాలని దుండిగల్ పురపాలక తొలి చైర్‌పర్సన్ శంభీపూర్ కృష్ణవేణి కృష్ణ సూచించారు. శనివారం కుత్బుల్లాపూర్ నియోజకవర్గం దుండిగల్ సర్కిల్ పరిధిలోని బౌరంపేట్ డివిజన్ మల్లంపేట్ ప్రణీత్ ప్రణవ్ లీఫ్ కాలనీలో నిర్వహించిన పట్టభద్రుల ఎమ్మెల్సీ ఓటరు నమోదు అవగాహన కార్యక్రమంలో ఆమె పాల్గొన్నారు. ఈ సందర్భంగా శంభీపూర్ కృష్ణవేణి కృష్ణ మాట్లాడుతూ పట్టభద్రుల ఎమ్మెల్సీ ఎన్నికల్లో బీఆర్ఎస్ అభ్యర్థి విజయానికి కాలనీ సభ్యులు, పార్టీ నాయకులు సమన్వయంతో కృషి చేయాలని కోరారు. దుండిగల్ సర్కిల్ పరిధిలోని ప్రతి గేటెడ్ కమ్యూనిటీలో అర్హులైన పట్టభద్రులను గుర్తించి, వారంతా ఓటరుగా నమోదు చేసుకునేలా అవగాహన కల్పించాలని సూచించారు. ఓటరు నమోదు ప్రక్రియలో ఎలాంటి జాప్యం లేకుండా పార్టీ నాయకులు, కార్యకర్తలు చొరవ తీసుకోవాలని పిలుపునిచ్చారు. అర్హత కలిగిన ప్రతి పట్టభద్రుడు ఓటు హక్కు పొందేలా కాలనీల్లో విస్తృతంగా ప్రచారం నిర్వహించాలని, నమోదు ప్రక్రియను త్వరితగతిన పూర్తి చేసేలా కృషి చేయాలని ఆమె పేర్కొన్నారు. ఈ కార్యక్రమంలో తాజా మాజీ కౌన్సిలర్లు శంభీపూర్ కృష్ణ, బెంబడి బుచ్చిరెడ్డి, మాజీ ఉపసర్పంచ్ రాఘవేందర్ గౌడ్, బీఆర్ఎస్ సర్కిల్ ప్రధాన కార్యదర్శి కొల్తూర్ మల్లేష్ ముదిరాజ్, సీనియర్ నాయకులు ధర్మారెడ్డి, కాలనీ అధ్యక్షుడు అశోక్ గౌడ్, కాలనీ సభ్యులు కృష్ణ, గజేందర్ రెడ్డి, వర్మ, సబితా రెడ్డి, అనిల్ రెడ్డి తదితరులు పాల్గొన్నారు.