ఆత్మకూరు ప్రాదేశిక ప్రతినిధుల ప్రమాణ స్వీకారం రేపే --ఎంపిపి, వైస్ ఎంపిపి ఎన్నిక
ఆత్మకూరు, మేజర్ న్యూస్ : ఆత్మకూరు మండలంలో జరిగిన ఎంపిటిసి ఎన్నికల్లో కూటమి ఆధ్వర్యంలోని తెలుగుదేశం పార్టీ అభ్యర్థులు అందరు గెలుపొంది ప్రభంజనం సృష్టించారు. ఈనెల 19వతేదీ జెడ్పిటిసి, ఎంపిటిసి సభ్యులుగా విజయం సాధించిన వారందరూ ప్రమాణ స్వీకారం చేయనున్నారు. అనంతరం మండలాధ్యక్షుని, ఉప మండలాధ్యక్షుని ఎన్నిక జరుగనుంది. మండల జెడ్పిటిసి మెంబర్ గా టిడిపి తరపున పోటీ చేసిన డాక్టర్ తూమాటి శశిధర్ రెడ్డి విజయం సాధించారు.మండలంలో 9 ఎంపీటీసీ స్థానాలు ఉండగా చెర్లోఎడవల్లి ఎంపిటిసి స్థానం నుండి మాజీ మండలాధ్యక్షుడు కేతా వేణుగోపాల్ రెడ్డి ఏకగ్రీవంగా తెలుగుదేశం అభ్యర్థిగా ఎన్నికయ్యారు. మిగతా ఎనిమిది చోట్ల ఎన్నికలు జరిగాయి. ఏడు మంది టిడిపి తరపున, ఒక్కరు వైసీపీ తరపున గెలుపొందారు.వాసిలి ఎంపిటిసి స్థానం నుండి తెలుగుదేశం అభ్యర్థి మామిడి చందన విజయం సాధించారు. అప్పారావు పాలెం ఎంపీటీసీ స్థానం నుండి తెలుగుదేశం అభ్యర్థి బొమ్మతోటి ఇందిరమ్మ విజయం సాధించారు. బట్టేపాడు ఎంపీటీసీ స్థానం నుండి తెలుగుదేశం అభ్యర్థి వీరదిమ్మ గీతమ్మ విజయం సాధించారు.కరటంపాడు ఎంపిటిసి స్థానం నుండి తెలుగుదేశం తరపున దావా సుమన్య విజయం సాధించారు.నువ్వురుపాడు ఎంపీటీసీ స్థానం నుండి తెలుగుదేశం అభ్యర్థి షేక్ ఖాజావలి విజయం సాధించారు. మురుగుళ్ల ఎంపీటీసీ తెలుగుదేశం అభ్యర్థి పువ్వాడ వెంకటేశ్వర్లు విజయం సాధించారు. పడకండ్ల ఎంపీటీసీ స్థానం నుండి తెలుగుదేశం అభ్యర్థి కొల్లి నరసయ్య నాయుడు విజయం సాధించారు. మహిమలూరు ఎంపిటిసి స్థానం నుండి వైసీపీ తరపున పోటీ చేసిన శామనబోయిన సుజాత విజయం సాధించారు.వారంతా ఈనెల 19వ తేదీన ప్రమాణ స్వీకారం చేసి ఎంపిపి, వైస్ ఎంపిపి లను ఎన్నుకొనున్నారు. ఎంపిపి పదవి విషయమై వాసిలి చందన, కరటంపాడు సుమన్య, అప్పారావుపాలెం ఇందిరమ్మ రేసులో ఉన్నారు. ఎవరు ఎంపిపి అవుతారా అనేది ఉత్కంటభరితంగా ఉంది.