telangana
విద్యార్థులకు వృత్తి నైపుణ్యాలపై అవగాహన
సూర్య, పెంచికల్పేట్: విద్యార్థులకు వివిధ వృత్తి రంగాలపై ప్రత్యక్ష అవగాహన కల్పించేందుకు పీఎంశ్రీ జెడ్పీఎస్ఎస్ పెంచికల్పేట్ పాఠశాల ఆధ్వర్యంలో మంగళవారం పారిశ్రామిక పర్యటన నిర్వహించారు. ఇందులో భాగంగా బ్యూటీ అండ్ వెల్నెస్ విభాగంలో బాలికలు మంచిర్యాలలోని ఎంఐజేఎస్ఏ బ్యూటీ పార్లర్ను సందర్శించారు. అలాగే బ్యాంకింగ్, ఆర్థిక సేవలు, బీమా విభాగంలో బాలురు బెల్లంపల్లిలోని ఇన్సూరెన్స్ బ్రాంచ్ కార్యాలయంతో పాటు స్టేట్ బ్యాంక్ ఆఫ్ ఇండియా శాఖను సందర్శించారు. ఆయా రంగాల్లోని పనితీరు, వృత్తి అవకాశాలు, ఉపాధికి అవసరమైన నైపుణ్యాల గురించి విద్యార్థులు ప్రత్యక్షంగా తెలుసుకున్నారు. ఈ కార్యక్రమంలో పాఠశాల ప్రధానోపాధ్యాయురాలు విజయనిర్మల, ఉపాధ్యాయులు, విద్యార్థులు పాల్గొన్నారు.