ఆపదలో ఉన్న కుటుంబానికి అండగా మనోప్రియ.. చిన్నారి వైద్య ఖర్చుల కోసం రూ.13,330 ఆర్థికసాయం..

(అనంతపురం, కార్పొరేషన్ మేజర్ న్యూస్:)

ఆపదలో ఉన్నవారికి ఆపన్నహస్తం అందిస్తూ, మానవత్వానికి నిలువెత్తు నిదర్శనంగా నిలుస్తున్నారు శివప్రియ వెల్ఫేర్ ఫౌండేషన్ వ్యవస్థాపకురాలు, మోటివేషనల్ స్పీకర్ మనోప్రియ. కష్టాల్లో ఉన్నామని ఎవరైనా ఆప్యాయంగా అమ్మా అని పిలిచి సహాయం కోరితే తన వంతు సాయం అందించేందుకు ముందుంటూ ఎంతోమందికి ఆదర్శంగా నిలుస్తున్నారు.
తాజాగా మెదడు సంబంధిత సమస్యతో బాధపడుతున్న ఓ చిన్నారి కుటుంబానికి ఆర్థికంగా అండగా నిలిచారు. బుధవారం అనంతపురం నగరంలో శివప్రియ వెల్ఫేర్ ఫౌండేషన్ ఫౌండర్ మనోప్రియ ఆధ్వర్యంలో, ఫౌండేషన్ సభ్యురాలు రమాదేవి, హైదరాబాద్‌కు చెందిన సైకాలజిస్ట్ డాక్టర్ శాంతిముత్యాలుతో కలిసి చిన్నారి కుటుంబానికి రూ.13,330 ఆర్థికసాయం అందజేశారు.ఈ సందర్భంగా మనోప్రియ మాట్లాడుతూ.. ఆపదలో ఉన్న కుటుంబాలకు తమ వంతు సహాయం అందించడం ప్రతి ఒక్కరి బాధ్యత అని పేర్కొన్నారు. చిన్నారి ఆరోగ్య పరిస్థితిని దృష్టిలో ఉంచుకుని దాతలు ముందుకు వచ్చి ఆ కుటుంబానికి ఆర్థికంగా చేయూతనివ్వాలని విజ్ఞప్తి చేశారు.ఇప్పటివరకు ఒక్కరు కాదు.. ఇద్దరు కాదు.. వందలాది మంది ఆపదలో ఉన్నవారికి తన వంతుగా సహాయం అందిస్తూ మనోప్రియ సేవా కార్యక్రమాలను కొనసాగిస్తున్నారు. ప్రచారం కోసం కాకుండా మానవత్వంతో చేసే ఈ సేవలు పలువురి ప్రశంసలు అందుకుంటున్నాయి.మనోప్రియ చేస్తున్న సేవా కార్యక్రమాల పట్ల ఆమెతో పనిచేసే ఉద్యోగులు, స్నేహితులు, బంధువులు, శ్రేయోభిలాషులు, నగర ప్రజలు హర్షం వ్యక్తం చేస్తున్నారు. ఆపదలో ఉన్న చిన్నారి కుటుంబానికి మరింతమంది దాతలు అండగా నిలవాలని వారు కోరుతున్నారు.సాటి మనిషి కష్టంలో ఉన్నప్పుడు స్పందించే హృదయమే నిజమైన మానవత్వం.. మనోప్రియ సేవా స్ఫూర్తి మరెందరికో ఆదర్శం కావాలి.