వివాహ వేడుకలో పాల్గొని నూతన వధూవరులను ఆశీర్వదించిన తాటి*

*సూర్య,అశ్వారావుపేట*అశ్వారావుపేట మండలం వేదాంతపురం గ్రామంలో గడ్డం మహాలక్ష్మి - చిన్న రాఘవులు (లేటు) దంపతుల కుమారుడు రామకృష్ణ, నందినిల వివాహ వేడుకలో బూర్గంపహాడ్, అశ్వారావుపేట మాజీ శాసనసభ్యులు, తెలంగాణ రాష్ట్ర మాజీ తొలి ట్రైకార్ చైర్మన్ తాటి వెంకటేశ్వర్లు పాల్గొన్నారు.

ఈ సందర్భంగా నూతన వధూవరుల నివాసానికి వెళ్లిన తాటి వెంకటేశ్వర్లు రామకృష్ణ, నందినిలను ఆశీర్వదించారు. నూతన దాంపత్య జీవితంలో వారు సుఖసంతోషాలతో, ఆయురారోగ్యాలతో, అష్టైశ్వర్యాలతో కలకాలం ఆనందంగా జీవించాలని ఆకాంక్షించారు. అనంతరం నూతన వధూవరులకు నూతన వస్త్రాలను అందజేసి వివాహ శుభాకాంక్షలు తెలిపారు.

ఈ సందర్భంగా తాటి వెంకటేశ్వర్లు మాట్లాడుతూ వివాహ బంధం జీవితంలో ఎంతో విలువైనదని, పరస్పర ప్రేమాభిమానాలు, నమ్మకం, అన్యోన్యతతో దాంపత్య జీవితాన్ని కొనసాగించాలని ఆకాంక్షించారు.

ఈ కార్యక్రమంలో మాజీ జడ్పీటీసీ అంకిత మల్లికార్జునరావు, సర్పంచ్ తోట వెంకటమ్మ, ఉపసర్పంచ్ సంగీత వీరరాజు, వార్డు సభ్యులు మంగరాజు, మహాలక్ష్మి, గ్రామ పెద్దలు తోట వెంకటస్వామి, కాశీ కాళహస్తి, కుటుంబ సభ్యులు, బంధువులు, గ్రామ పెద్దలు తదితరులు పాల్గొన్నారు.

సూర్య ఆర్ సి రిపోర్టర్ మునీర్ అశ్వరావుపేట