కేజీబీవీల్లో విద్యార్థినులకు వంద రోజుల విద్యా ప్రణాళిక.. రేపటి నుంచి విజయపథం కార్యక్రమం ప్రారంభం

అనంతపురం విద్య మేజర్ న్యూస్:-అనంతపురం జిల్లాలోని అన్ని కస్తూర్బా గాంధీ బాలికా విద్యాలయాల్లో ఇంటర్మీడియట్ ప్రథమ, ద్వితీయ సంవత్సరం విద్యార్థినులకు  నవంబర్ 16 నుంచి వంద రోజుల విద్యా ప్రణాళిక – విజయపథం కార్యక్రమాన్ని ప్రారంభించనున్నారు. 100 శాతం ఉత్తీర్ణత సాధించడమే లక్ష్యంగా ప్రత్యేక బోధన, పునశ్చరణ తరగతులు, రోజువారీ పరీక్షలు, నమూనా ప్రశ్నపత్రాల సాధన నిర్వహించనున్నారు. వెనుకబడిన విద్యార్థినులపై ప్రత్యేక శ్రద్ధ చూపుతూ, ప్రతిరోజూ వారి విద్యా ప్రగతిని సమీక్షించనున్నారు. ఉపాధ్యాయులు సమన్వయంతో పనిచేసి విద్యార్థినులను పరీక్షలకు సిద్ధం చేయాలని జిల్లా సమగ్ర శిక్ష అధికారి  టి. శైలజ తెలిపారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..