ఎమ్మెల్యే అమరనాథ రెడ్డి సమక్షంలో టీడీపీలో చేరిన వైకాపా నాయకులు

పలమనేరు మేజర్ న్యూస్ గంగవరం మండలంలో వైకాపాకు చెందిన పలువురు నాయకులు తెలుగుదేశం పార్టీలో చేరారు. పలమనేరు ఎమ్మెల్యే అమరనాథ రెడ్డి సమక్షంలో ఆదివారం గండ్రాజుపల్లి పంచాయతీకి చెందిన వైకాపా క్రియాశీలక నాయకుడు, కాంట్రాక్టర్ రామేగౌడు, యశ్వంత్ గౌడ్ టీడీపీ కండువాలు కప్పుకున్నారు.ఈ సందర్భంగా పార్టీలో చేరిన నాయకులకు ఎమ్మెల్యే అమరనాథ రెడ్డి పార్టీ కండువాలు వేసి సాదరంగా ఆహ్వానించారు. కూటమి ప్రభుత్వ పాలన, పార్టీ చేపడుతున్న అభివృద్ధి కార్యక్రమాల పట్ల ఆకర్షితులై వారు టీడీపీలో చేరినట్లు స్థానిక నాయకులు తెలిపారు.స్థానిక సంస్థల ఎన్నికలు సమీపిస్తున్న తరుణంలో గంగవరం మండలానికి చెందిన వైకాపా నాయకులు టీడీపీలో చేరడం రాజకీయంగా ప్రాధాన్యత సంతరించుకుంది.ఈ కార్యక్రమంలో మార్కెట్ కమిటీ చైర్మన్ రాజన్న, మండల టీడీపీ సీనియర్ నాయకులు విష్ణువర్ధన్ రెడ్డి, సోమశేఖర్, ప్రతాప్ రెడ్డి తదితరులు పాల్గొన్నారు.

 రిపోర్టర్ అనిల్ కుమార్ యాదవ్