విద్యార్థులు పోక్సో చట్టంపై అవగాహన కలిగి ఉండాలి

సివిల్ జడ్జ్ నారం అరుణ్ కుమార్

ఆమనగల్లు రంగారెడ్డి:

విద్యార్థులు పోక్సో చట్టంపై అవగాహన కలిగి ఉండాలని ఆమనగల్లు జూనియర్ సివిల్ జడ్జి నారం అరుణ్ కుమార్ చెప్పారు. గురువారం ఆమనగల్లు ప్రభుత్వ బాలికల ఉన్నత పాఠశాలలో జాతీయ న్యాయ సేవాధికార సంస్థ ఆధ్వర్యంలో పోక్సో చట్టంపై అవగాహన సదస్సు నిర్వహించారు. సదస్సులో న్యాయమూర్తి మాట్లాడుతూ 18 ఏళ్ల లోపు బాలికలకు అందరికీ చట్టం రక్షణగా ఉంటుందని చెప్పారు. సోషల్ మీడియా పట్ల విద్యార్థులు అప్రమత్తంగా ఉండాలని, సమస్యలు తలెత్తితే న్యాయ సేవలను సంప్రదిస్తే చర్యలు తీసుకుంటామని తెలిపారు. ఈ సందర్భంగా పోక్సో చట్టంలో పొందుపరిచిన సెక్షన్లు వాటి శిక్షల గురించి విద్యార్థినీ లకు ఆయన అవగాహన కల్పించారు. కార్యక్రమంలో బార్ అసోసియేషన్ అధ్యక్షులు యాదిలాల్, కోర్టు సూపరింటెండెంట్ మురళీధర్, ఎస్సై సంతోష్ కుమార్ రెడ్డి, న్యాయవాదులు మల్లేష్ గౌడ్, శ్రీనివాస్, నరేందర్, మహేష్, హెచ్ఎం

రామలక్ష్మి, ఉపాధ్యాయులు పాల్గొన్నారు. 

ఎ. చంద్రశేఖర్, మేజర్ న్యూస్