telangana
ప్రభుత్వ ఆసుపత్రిలో వైద్య సేవలను పరిశీలించిన అదనపు కలెక్టర్ ఉమా శంకర్ ప్రసాద్
వికారాబాద్ జిల్లా ప్రతినిధి, మేజర్ న్యూస్: ప్రభుత్వ ఆసుపత్రిలోని వికలత్వ నిర్ధారణ కేంద్రం, క్యాన్సర్ వార్డును జిల్లా అదనపు కలెక్టర్ ఉమా శంకర్ ప్రసాద్ గురువారం సందర్శించి, రోగులకు అందుతున్న వైద్య సేవలను, అందుబాటులో ఉన్న సదుపాయాలను పరిశీలించారు.వికలత్వ నిర్ధారణ కేంద్రంలో దివ్యాంగులకు నిర్వహిస్తున్న వైద్య పరీక్షలు, నిర్ధారణ ప్రక్రియ, వారికి అందిస్తున్న సేవల గురించి సంబంధిత వైద్యులను అడిగి తెలుసుకున్నారు. ప్రభుత్వ నిబంధనల ప్రకారం దివ్యాంగులకు అవసరమైన సేవలను సకాలంలో అందించాలని సూచించారు.అనంతరం క్యాన్సర్ వార్డును సందర్శించి, చికిత్స పొందుతున్న రోగుల ఆరోగ్య పరిస్థితి, వారికి అందుతున్న వైద్య సేవలు, వార్డులో ఉన్న సదుపాయాలను పరిశీలించారు. రోగులకు మెరుగైన వైద్యం అందించడంతో పాటు, వారికి అవసరమైన సౌకర్యాలు కల్పించాలని వైద్యులు, ఆసుపత్రి సిబ్బందికి సూచించారు. ప్రభుత్వ ఆసుపత్రులకు వచ్చే రోగులకు నాణ్యమైన వైద్య సేవలు అందించేందుకు అధికారులు, వైద్య సిబ్బంది సమన్వయంతో పనిచేయాలని అదనపు కలెక్టర్ పేర్కొన్నారు.ఈ కార్యక్రమంలో ప్రభుత్వ ఆసుపత్రి సూపరింటెండెంట్ డాక్టర్ శుభోత్, ఈఈ పీఆర్ ఉమేష్, వైద్యులు, సంబంధిత అధికారులు, వైద్య సిబ్బంది పాల్గొన్నారు.
