ఇంటి దొంగతనాల కేసుల్లో ముగ్గురి పట్టివేత... - బంగారు, వెండి ఆభరణాలు స్వాధీనం

సూర్య - జూలపల్లి: ఇంటి దొంగతనాలకు పాల్పడిన ముగ్గురిని జూలపల్లి పోలీసులు ఈ నెల 28న పెద్దాపూర్ బస్‌స్టాప్ వద్ద పట్టుకున్నారు. కుమ్మరికుంటకు చెందిన ఎక్కిరాల రాకేశ్ (20), పెద్దాపూర్‌కు చెందిన కళ్ళెపెల్లి జాన్ (21), సాయి చరణ్ (19) తాళాలు వేసిన ఇళ్లను లక్ష్యంగా చేసుకుని మూడు దొంగతనాలకు పాల్పడినట్లు పోలీసులు తెలిపారు. నిందితుల నుంచి 10 గ్రాముల బంగారు ముద్ద, బంగారు చెవి కమ్మలు, 58 గ్రాముల వెండి పట్టీలను స్వాధీనం చేసుకున్నారు. దొంగిలించిన ఆభరణాలను విక్రయించేందుకు వెళ్తుండగా పట్టుకున్నట్లు వెల్లడించారు. ప్రజలు ఇళ్లకు తాళాలు వేసి వెళ్లేటప్పుడు అప్రమత్తంగా ఉండాలని ఎస్సై మల్లేష్ సూచించారు.