వాహనదారులు పొగ మంచుతో అప్రమత్తంగా ఉండాలి ఎస్సై చైతన్య కిరణ్
రాయికోడ్, ; మండలంలోని ప్రజలు
శీతాకాలంలో పొగమంచు కారణంగా రోడ్డు ప్రమాదాలు జరిగే అవకాశం ఉన్నందున వలన వాహనదారులు అప్రమత్తంగా ఉండాలని స్థానిక ఎస్సై చైతన్య కిరణ్ సూచించారు. ఈసందర్భంగా వారు మాట్లాడుతూ పొగమంచు సమయంలో రహదారులపై ఎదురుగా వచ్చే వాహనాలు సరిగా కనిపించకపోవడంతో ప్రమాదాలు జరిగే అవకాశం ఉందన్నారు.
ద్విచక్ర వాహనదారులు తప్పనిసరిగా హెల్మెట్ ధరించాలని, కార్లలో ప్రయాణించే వారు సీటు బెల్టు పెట్టుకోవాలని సూచించారు. అతివేగం, మద్యం సేవించి వాహనాలు నడపడం, డ్రైవింగ్ సమయంలో సెల్ఫోన్ మాట్లాడటం వంటి చర్యలకు దూరంగా ఉండాలని హెచ్చరించారు.పొగమంచు ఉన్న సమయంలో వాహన వేగాన్ని తగ్గించి, ట్రాఫిక్ నిబంధనలు పాటిస్తూ ప్రయాణించాలని, తమ ప్రాణాలతో పాటు ఇతరుల ప్రాణాల భద్రతను కూడా దృష్టిలో ఉంచుకోవాలని ఎస్సై చైతన్య కిరణ్ వాహనదారులకు విజ్ఞప్తి చేశారు.