telangana
ఉచిత మెగా వైద్య శిబిరాన్ని ప్రారంభించిన ఎమ్మెల్యే అనిల్ జాదవ్
సూర్య.నేరడిగొండ : మండల కేంద్రంలో స్వప్న మల్టీ సూపర్ స్పెషాలిటీ హాస్పిటల్ ఆధ్వర్యంలో శనివారం ఏర్పాటు చేసిన ఉచిత మెగా వైద్య శిబిరాన్ని ఎమ్మెల్యే ముఖ్యఅతిథిగా హాజరై ప్రారంభించారు.ఈ సందర్భంగా ఎమ్మెల్యే అనిల్ జాదవ్ మాట్లాడుతూ గ్రామాలలోని ప్రజలు ఆరోగ్య సమస్యలతో ఇబ్బందులు పడకుండా, వారికి నిపుణులైన వైద్యుల ద్వారా మెరుగైన వైద్య సలహాలు, సేవలు అందించేందుకు ఇలాంటి శిబిరాలు ఎంతగానో ఉపయోగపడతాయని అన్నారు. ఆరోగ్య సమస్యలను నిర్లక్ష్యం చేయకుండా సకాలంలో వైద్య పరీక్షలు చేయించుకుని, నిపుణులైన వైద్యుల సలహాలు తీసుకోవాలని ప్రజలకు సూచించారు.ప్రజల ఆరోగ్య పరిరక్షణ కోసం సామాజిక బాధ్యతతో స్వచ్ఛందంగా ముందుకు వచ్చి ఉచిత మెగా వైద్య శిబిరాన్ని నిర్వహిస్తున్న స్వప్న మల్టీ సూపర్ స్పెషాలిటీ హాస్పిటల్ యాజమాన్యాన్ని, వైద్యలను ఎమ్మెల్యే అభినందించారు.ఈ కార్యక్రమంలో మాజీ ఎంపీపీ రాథోడ్ సజన్, ఇచ్చోడ మాజీ ఎంపీపీ ప్రీతం రెడ్డి, సురేందర్, దేవేందర్ రెడ్డి, నాయకులు, పార్టీ కార్యకర్తలు, ఆసుపత్రి వైద్యులు, సిబ్బంది, స్థానిక ప్రజలు పాల్గొన్నారు.