తలకొండపల్లిలో ఇందిరాగాంధీ వర్ధంతి,సర్దార్ వల్లభాయ్ పటేల్ జయంతి వేడుకలు*

తలకొండపల్లి, రంగారెడ్డి : మం

డల కేంద్రంలోని కాంగ్రెస్ పార్టీ కార్యాలయంలో శనివారం దేశ ఐక్యతకు ప్రతీక, ఉక్కు మనిషి సర్దార్ వల్లభాయ్ పటేల్ 150వ జయంతి వేడుకలు, దేశ మాజీ ప్రధాని, భారతరత్న ఇందిరాగాంధీ 40వ వర్ధంతి కార్యక్రమాన్ని మండల కాంగ్రెస్ పార్టీ ఆధ్వర్యంలో ఘనంగా నిర్వహించారు. ముందుగా ఇందిరాగాంధీ, సర్దార్ పటేల్ చిత్రపటాలకు పూలమాలలు వేసి ఘనంగా నివాళులర్పించారు. ఈ సందర్భంగా ఏర్పాటు చేసిన సమావేశంలో నాయకులు మాట్లాడుతూ...స్వాతంత్ర్యం వచ్చిన తర్వాత దేశంలో చెల్లాచెదురుగా ఉన్న 562 సంస్థానాలను ఏకం చేసి నేటి అఖండ భారతాన్ని నిర్మించిన ఘనత సర్దార్ పటేల్ కే దక్కుతుందని కొనియాడారు. దేశంలోని సామాన్య రైతుల కోసం, దేశ ఐక్యత కోసం ఆయన చేసిన కృషి యువతకు స్ఫూర్తిదాయకమన్నారు.

*ఇందిరమ్మ ధైర్యసాహసాలు చిరస్మరణీయం:* 

బ్యాంకుల జాతీయీకరణ, హరిత విప్లవం ద్వారా దేశాన్ని ఆహార ధాన్యాల ఉత్పత్తిలో స్వయం సమృద్ధి సాధించేలా చేసిన ఘనత ఇందిరాగాంధీదే అన్నారు. పేదల సంక్షేమం కోసం 20 సూత్రాల పథకం, దేశ రక్షణ కోసం తన ప్రాణాలను సైతం త్యాగం చేసిన ధీరవనిత ఇందిరమ్మ అని గుర్తు చేశారు. వారి ఆశయాలను కొనసాగించడమే మనం వారికి ఇచ్చే ఘన నివాళి అని పేర్కొన్నారు. ప్రస్తుత పరిస్థితుల్లో ప్రజాస్వామ్యాన్ని, రాజ్యాంగాన్ని, దేశ ఐక్యతను కాపాడుకోవాల్సిన అవసరం ఎంతైనా ఉందని, కాంగ్రెస్ పార్టీ ఎల్లప్పుడూ ఆ దిశగానే పనిచేస్తుందని తెలిపారు. ఈ కార్యక్రమంలో కాంగ్రెస్ పార్టీ నాయకులు పడకల్ మాజీ ఎంపిటిసి జోగు రమేష్, కాంగ్రెస్ పార్టీ సీనియర్ నాయకులు రేణు రెడ్డి, అవంచ నరసింహ రెడ్డి, ఇంద్రకంటి రాఘవేందర్ గౌడ్, అజీజ్, మీసేవ మల్లేష్, నరసింహు, గణేష్, సభావట్ రాజేందర్, శివకుమార్, లక్ష్మయ్య,‌ సంజీవ తదితరులున్నారు.

- చప్పిడి తిరుపతి, మేజర్ న్యూస్.